کوویڈ19- ویکسین کی خریداری کی باقاعدہ منظوری دے دی گئی

کوویڈ19- ویکسین کی خریداری کی باقاعدہ منظوری دے دی گئی

کمیٹی برائے قانونی کیسز کے حالیہ  فیصلوں کی بھی کابینہ نے توثیق کردی

اسلام آباد (ویب ڈیسک ) کابینہ نے کوویڈ19- ویکسین کی خریداری کی باقاعدہ منظوری دے دی کمیٹی برائے قانونی کیسز کے حالیہ فیصلوں کی بھی توثیق کردی گئی ۔ وزیرِ اعظم عمران خان کی زیر صدارت وفاقی کابینہ کا اجلاس ہوا۔کابینہ میں مچھ بلوچستان واقعہ میں شہید ہونے والے مزدورں، اسلام آباد میں پولیس کی فائرنگ سے جاں بحق ہونے والے اسامہ ستی اور افواج پاکستان کے شہدا کے لیے دعا مغفرت ادا کی۔معاون خصوصی برائے صحت ڈاکٹر فیصل سلطان نے کابینہ کو کورونا وبا کی حالیہ صور تحال پر بریفنگ دی۔کابینہ نے پاکستان ایکسپوسینٹرز پرائیویٹ لمیٹڈ کے بورڈ آف ڈائریکٹر ز کے چیئرمین کی تعیناتی کی منظوری  دے دی ہے ۔کابینہ نے ٹریڈ آرگنائزیشنزایکٹ 2013کی شق نمبر21کے تحت اپیلوں پر فیصلہ دینے کے لیے ایک خصوصی کمیٹی قائم کرنے کی منظوری دی ہے ۔یہ کمیٹی صرف اس وقت تک مجاز ہوگی جب تک متعلقہ قانون میں ترامیم مکمل کرلی جائیں۔پریس کونسل آف پاکستان کے ممبرز تعینات کرنے کی منظوری  بھی دی گئی ہے۔ ماہی گیری کے شعبے سے برآمدات کے معیار کو بہتر کرنے کی خاطرانسپکشن کمیٹی قائم کرنے کی منظوری دی گئی ہے۔یہ کمیٹی ملک میں قائم ہونے والے فیش پراسسنگ پلانٹس کی انسپکشن کے فرائض انجام دے گی۔کمیٹی میں وزارت بحری امور، وزارت کامرس اور پاکستان فیشریز ایکسپورٹرز ایسوسی ایشن کے نمائندے شامل ہیں۔کابینہ نے ڈاکٹر رانا عبدالجبار کی بطور چیف ایگزیکٹو آفیسر، الٹرنیٹ انرجی ڈویلپمنٹ بورڈ استعفی منظور کیااورنئے سی ای او کی تعیناتی کے لیے سلیکشن کمیٹی قائم کرنے کی منظوری دی۔نئی تعیناتی تک منیجنگ ڈائریکٹر PPIB اس ادارے کی نگرانی کریں گے۔ کابینہ نے کمیٹی برائے قانونی کیسز کے مورخہ 31دسمبر 2020 کو منعقدہ اجلاس میں لیے گئے فیصلوں کی توثیق کی ہے ۔کابینہ نے انسانی جانوں کو بروقت اور ہنگامی بنیادوں پر بچانے کے لیے وفاقی وزارت صحت کو کوویڈ19- ویکسین کی خریداری کی منظوری دی۔

Comments are closed, but trackbacks and pingbacks are open.