آصف علی زرداری کے خلاف جعلی اکاونٹس سے متعلق تمام 6مقدمات سماعت کے لئے مقرر

اسلام آباد ہائیکورٹ میں آصف زرداری کے جعلی اکاونٹس کے تمام کیسز سماعت کیلئے مقرر

جعلی اکاونٹس کیس میں آصف زرداری کی درخواست ضمانت پر سماعت 12جنوری کو ہوگی

8 ارب روپے کی مشکوک ٹرانزیکشن کیس میں سابق صدرکے وارنٹ گرفتاری جاری ہیں

اسلام آباد(ویب ڈیسک ) اسلام آباد ہائیکورٹ نے سابق صدر اور پیپلزپارٹی کے شریک چیئرمین آصف علی زرداری کے خلاف جعلی اکاونٹس سے متعلق تمام 6مقدمات سماعت کے لئے مقرر کر دیئے ہیں۔جعلی اکاونٹس کیس میں آصف زرداری کی درخواست ضمانت پر سماعت 12جنوری کو ہوگی، 8ارب روپے کی مشکوک ٹرانزیکشن کیس میں سابق صدرکے وارنٹ گرفتاری جاری ہیں۔جعلی اکاونٹس کے دوکیسزمیں آصف زرداری کی بریت کی درخواستیں19جنوری کو سماعت کیلئے مقرر کی گئی ہیں، جبکہ سابق صدر کی جعلی اکاونٹس ضمنی ریفرنسزخارج کرنے کی 3درخواستوں پر سماعت 20جنوری کو مقرر کی گئی ہیں۔