اسلام آباد (ویب ڈیسک)
وزیر اعظم عمران خان نے مصروف سیاحتی مقامات سے سیاحوں کو دیگر مقامات کی جانب بھیجنے کے لیے اہم فیصلہ کر لیا، معاون خصوصی کو نئے سیاحتی مقامات بنانے کی ہدایت کر دی۔
تفصیلات کے مطابق آج جمعرات کو وزیر اعظم سے معاون خصوصی سیاحت اعظم جلیل نے ملاقات کی، جس میں ملکی سیاحت کے فروغ سے متعلق معاملات پر تبادل خیال کیا گیا۔وزیر اعظم نے ملاقات کے دوران معاون خصوصی برائے سیاحت اعظم جلیل کو ہدایت کی کہ سیاحوں کے لیے نئے سیاحتی مقامات ڈویلپ کیے جائیں۔یہ فیصلہ مصروف سیاحتی مقامات سے سیاحوں کو دیگر مقامات کی جانب بھیجنے کے لیے کیا گیا ہے، تاکہ سیاح سردیوں کے موسم میں مصروف سیاحتی مقامات کی بجائے دوسرے مقامات کا بھی دورہ کریں۔وزیر اعظم نے کہا کہ پاکستان میں بے پناہ خوب صورتی پائی جاتی ہے، سیاحتی مقامات پر سہولیات کو بڑھا کر اس خوب صورتی سے فائدہ اٹھائیں، اور خوب صورت مقامات پر انفرا اسٹرکچر بہتر بنایا جائے۔وزیر اعظم نے گورنر ہاس نتھیا گلی کو بطور سیاحتی مرکز فعال بنانے کا بھی حکم دیا، وزیر اعظم نے کہا کہ ریاستی مہمانوں کے لیے ایسے مقامات کو بہتر بنایا جائے۔سرمایہ کاری کے سلسلے میں انھوں نے ہدایت کی کہ نئے سیاحتی مقامات کی تعمیر کے لیے پرائیویٹ سیکٹر سے مدد لی جائے۔
