لاہور (ویب ڈیسک)
لاہور کے65 فیصد شہریوں کو کورونا ویکسین کی ڈبل ڈوز لگ گئی۔ باقی ماندہ آبادی کو ویکسین لگانے کے لیے ‘ریچ دی ڈور مہم’ بھی جاری ہے۔کورونا کی پانچویں لہر کا زور بدستور جاری ہے تو اِس سے بچا ئوکے لیے شہریوں کو ویکسین لگانے کا عمل بھی جاری ہے۔ محکمہ صحت پنجاب کے اعدادوشمار کے مطابق 65 فیصد شہریوں کو ویکسین کی ڈبل ڈوز لگا دی گئی ہے۔ اکثریتی آبادی کو ویکسین لگانے کا عمل مکمل ہونے کے بعد شہریوں میں احتیاطی تدابیر سے بے نیازی کا رحجان بھی بڑھتا جا رہا ہے۔ اگرچہ وہ صورتحال کی سنگینی کو سمجھتے بھی ہیں۔شہریوں کی بڑی تعداد اب ماسک کے بغیر نظرآتی ہے جبکہ سماجی فاصلے کی تو بالکل پرواہ نہیں کی جا رہی۔ طبی ماہرین کے مطابق ویکسین لگوانے کے بعد شہری شاید یہ سمجھنے لگے ہیں کہ وہ کورونا سیمحفوظ ہوچکے ہیں۔ حالات کا اندازہ اِس سے بھی لگایا جاسکتا ہے کہ لاہور میں اب بھی مثبت کیسز کی شرح 7 سے 10 فیصد کے درمیان سامنے آ رہی ہے۔
