ہم دنیا کے عظیم لیڈر نبی کریمۖ کی امت ہیں ہمارا نعرہ تھا پاکستان کامطلب کیا لاالہ الاللہ! میرے خلاف یہ سب اکھٹے ہو گئے،ڈیزل اور اسٹوجز کی سیاست کا جنازہ اکٹھا نکلے گا، عمران خان

چوروں، غلاموں کو کبھی تسلیم نہیں کرتے، صرف الیکشن کی تاریخ چاہتے ہیں

ہم دنیا کے عظیم لیڈرنبی کریمۖ کی امت ہیں ہمارا نعرہ تھا پاکستان کامطلب کیا لاالہ الاللہ! جب کال دوں گا تو صوابی کے عوام کو اسلام آبادمیں دیکھناچاہتاہوں

جواسلام آبادنہیں آسکتے اپنے علاقوں میں نکل کربتائیں گے کہ امپورٹڈ حکومت اور امریکی غلامی نامنظور۔سابق وزیراعظم کا صوابی جلسے سے خطاب

صوابی (ویب نیوز)

پاکستان تحریک انصاف کے چیئر مین اور سابق وزیراعظم عمران خان نے کہا ہے کہ ہم ان چوروں، غلاموں کو کبھی تسلیم نہیں کریں گے صرف الیکشن چاہتے ہیں ہم چاہتے ہیں عوام فیصلہ کریں کہ ملک کی قیادت کون کریگا، میرے خلاف یہ سب اکھٹے ہو گئے ڈیزل اور اسٹوجز ان سب کی سیاست کا جنازہ اکھٹا نکلے گا۔ صوابی میں پی ٹی آئی کے جلسے سے خطاب کرتے ہوئے عمران خان نے کہا کہ صوابی والوں آپ اسلام آباد کے قریب ہو، یہاں دلیر نوجوانوں سے اسلام آباد ملنا چاہتا ہوں، ملک کی حقیقی آزادی کے لیے آپ اسلام آباد آئیں گے، جواسلام آباد نہیں آئے گا وہ صوابی میں نکلے گا، غلامی اور امپورٹڈ حکومت کو کسی صورت منظور نہیں کریںگے۔ انہوں نے کہا کہ امریکا کی جنگ میں 80 ہزارپاکستانیوں نے قربانیاں دیں، جنگ میں قبائلی علاقوں کے لوگوں نے سب سے زیادہ قربانیاں دیں۔ 80ہزارلوگ قربان کردیئے کیا امریکا نے شکریہ ادا کیا؟ ہمارے فوجیوں کی امریکا سے تین گنا زیادہ شہادتیں ہوئیں، یاد رکھوغلاموں کی کوئی عزت نہیں ہوتی، امپورٹڈ حکومت امریکی سازش کے تحت مسلط کی گئی، کسی صورت امریکا کے غلام، چوروں، ڈاکوں کو تسلیم نہیں کرنا۔پی ٹی آئی چیئر مین کا کہنا تھا کہ زرداری، شریفوں نے 10 سال حکومت کی، دس سال ڈیزل ان کے ساتھ فٹ ہوا تھا، تھری سٹوجز نے 10سال حکومت کی تو 400 ڈرون حملے ہوئے، چارہزارمیل دوربیٹھ کرقبائلی علاقوں میں ڈرون حملے کیے گئے۔ اس دوران بچے، بزرگ مرے، باجوڑ کے مدرسے میں 64 بچے شہید ہوئے، وزیرستان میں ڈرون حملوں میں 60 لوگ زندگی کی بازی ہار گئے، وزیرستان میں جب لوگ بچانے آئے تو دوسرا ڈرون حملہ کر دیا گیا، شادیوں، جنازوں میں ڈرون حملے ہوئے، زرداری ،گیدڑنوازشریف نے ایک بارپھی ڈرون حملوں کے خلاف احتجاج نہیں کیا۔ کیا امریکا اپنے ملک میں دہشت گرد کومارنے کے لیے ڈرون حملہ کرے گا؟ کیا برطانیہ ہمیں متحدہ بانی جیسے دہشت گرد کومارنے کے لیے ڈرون کی اجازت دے گا؟سابق وزیراعظم نے کہا کہ ان دوخاندانوں کواس لیے مسلط کیا گیا ان میں جرات نہیں ہے، دونوں خاندان پیسے کی پوجا کرتے ہیں، یہ کبھی پاکستانیوں کے حقوق کے لیے نہیں کھڑے ہوں گے، یہ کبھی اپنے آقاوں کے سامنے زبان نہیں کھولیں گے اس لیے مسلط کیا گیا، ان کوپتا تھا عمران کبھی بیس نہیں دے گا۔ ان کوپتا ہے عمران خان کا جینا مرنا پاکستان ہے، اس لیے یہ سازش کی گئی۔عمران خان نے کہا کہ 30 سال سے دو خاندان ملک میں حکمرانی کر رہے ہیں، شہباز شریف کہتا ہے ہم تو بھکاری اس لیے غلام ہیں، ان کا ایک وزیر کہتا ہے ہم تو امریکا کی غلامی کرنے پر مجبور ہیں، پاکستانیو!یہ دو بت کی پوجا کرتے ہیں، ایک پیسے اور دوسرا خوف کا بت ہے، ہمارے نبیۖ نے پہلے لوگوں کو خوف سے نجات دلائی تھی، ہم نے علامہ اقبال کا شاہین بننا ہے۔پی ٹی آئی چیئرمین نے کہا کہ ایف آئی اے ہماری آنکھوں کے سامنے تباہ ہو رہا ہے، شہباز شریف کے خلاف ایف آئی اے نے بڑی محنت سے کیس بنائے تھے، اور 24 ارب کا کیس پکڑا، ایف آئی اے کا ایک افسر ڈاکٹر رضوان ہارٹ اٹیک سے انتقال کر گیا، ایف آئی اے پر اب ایک قاتل کو بٹھا دیا گیا ہے۔ ایف آئی اے کے ساتھ اب وہی ہو گا جو ایم کیو ایم نے آپریشن کرنے والے پولیس والوں کے ساتھ کیا، ایم کیو ایم کی کارروائیوں کے بعد آج تک سندھ پولیس اپنے پیروں پر کھڑی نہیں ہوسکی اور صوبے میں رینجرز بلانا پڑی ہے۔ان کا کہنا تھا کہ جاپان پرایٹم بم گرا لیکن اپنے پاوں پر کھڑے ہو گئے، افغانستان میں 40 سال سے انتشار ہے لیکن پھربھی قوم تگڑی ہے، جب قوم کی اخلاقیات ختم کردی جائے توقوم مرجاتی ہے، قوم پہلے اخلاقی پھر معاشی طور پر مرتی ہے، 60 فیصد کابینہ کے لوگ ضمانتوں پر ہے، کرائم منسٹراوران کے بیٹوں کے خلاف 24 ارب کے کیسز ہیں، کرائم منسٹر کا بھائی مفرور، چور، ڈاکو اور جھوٹا ہے، مفرور کی بیٹی سزا یافتہ اس کو رینجرز کا پروٹوکول مل رہا ہے، جب ایسے لوگوں کو بڑے عہدوں پر بٹھادیا جائے توملک کی اخلاقیات تباہ ہوجاتی ہیں۔سابق وزیراعظم کا کہنا تھا کہ چین نے 450 وزیروں کو کرپشن کے خلاف پکڑا، ہمارے نبی ۖ نے مسلمانوں کو کہا، اچھائی کے ساتھ کھڑے ہونا ہے، اللہ کا حکم ہے برائی کے خلاف جہاد کرو، جب بڑے، بڑے مجرم اقتدارمیں آجائے تو اس معاشرے کا کوئی مستقبل نہیں، آپ نے اسلام آباد پہنچنا ہے گرمی اوربارش کو نہیں دیکھنا، ہم دنیا کے سب سے عظیم نبی ۖ کے امتی ہیں، ہمیں کوئی خوف نہیں ہے، ہم چوروں، غلاموں کو کبھی تسلیم نہیں کریں گے، ہم صرف ایک چیزچاہتے ہیں الیکشن کراو، تاکہ عوام فیصلہ کریں کہ ملک کی قیادت کون کرے گا۔ ہم امپورٹڈ حکومت کونہیں مانتے۔ اوپر بیٹھے ہوئے جانوروں سے بھی گرے ہوئے لوگ ہیں، میں بتاوں گا وہ کونسا زہر ہے جو کھانے میں ملاو تو ہارٹ اٹیک ہوتا ہے۔جلسے کے دوران کارکنوں کی طرف سے ڈیزل کے نعرے لگائے جانے کے بعد مولانا فضل الرحمان پر تنقید کرتے ہوئے انہوں نے کہا کہ ڈیزل خود کو بڑا اسلام کا ٹھیکے دارسمجھتا تھا، میں سمجھا تھا ڈیزل تعلیم کی وزارت لے گا لیکن اس نے کمیشن بنانے والی وزارت کولیا، سارے مجھے ہرانے کے لیے اکٹھے ہوگئے ہیں، انشااللہ ان سب کا اکٹھا جنازہ نکلے گا، صوابی کے لوگوں کوجنون وشعورپرخراج تحسین پیش کرتا ہوں، صوابی کے لوگ برے وقت میں بھی میرے ساتھ کھڑے رہے پورے کے پی میں صرف ایک لوٹانکلا اس کامطلب کے پی میں وفاداری بھی زیادہ ہے،ایمان اوراخلاقیات بھی زیادہ ہے جب کہ فیصل آبادمیں جس طرح لوگ نکلے زندگی میں کبھی ایساجوش نہیں دیکھا فیصل آبادسے صرف ایک شکوہ کیاکہ سب سے زیادہ لوٹے وہاں سے نکلے فیصل آبادکی عوام نے وعدہ کیاہے ایک بھی لوٹاوہاں سے نہیں جیتے گا سارے پاکستان کوپتہ چل گیا لوٹے کون ہیں لیکن الیکشن کمیشن کو اب تک نہیں پتہ چلا۔عمران خان نے کہا کہ انگریز کیلئے ہندوستان سے لاکھوں لوگوں نے قربانیاں دیں ہندوستان سے لوگ پہلی اور دوسری جنگ عظیم میں حصہ بنے لاکھوں لوگوں نے قربانیاں دی کسی نے شکریہ ادانہیں کیا،پرواہ نہیں کی، ہندوستان غلام تھا اس لیے کسی نے شکریہ ادانہیں کیا،پرواہ نہیں کی، غلاموں کی کوئی عزت نہیں ہوتی،چیئرمین پی ٹی آئی کا کہنا تھا کہ ہم دنیا کے عظیم لیڈرنبی کریمۖکی امت ہیں ہمارا نعرہ تھا پاکستان کامطلب کیا لاالہ الاللہ! جب کال دوں گا تو صوابی کے عوام کو اسلام آبادمیں دیکھناچاہتاہوں کیا حقیقی آزادی کیلئے صوابی کے غیور عوام اسلام آبادآئیں گے؟ جواسلام آبادنہیں آسکتے اپنے علاقوں میں نکل کربتائیں گے کہ امپورٹڈ حکومت اور امریکی غلامی نامنظور۔۔اس سے قبل راولپنڈی اسلام آباد کی خواتین وکلا کے وفد سے  بات کرتے ہوئے چیئرمین تحریک انصاف عمران خان کا کہنا تھا کہ وکلا خواتین کے جوش و جذبے کو قدر کی نگاہ سے دیکھتا ہوں، سازش اور شرارت کے ماحول میں شعبہ قانون سے وابستہ افراد کی قوم کو اشد ضرورت ہے۔عمران خان کا کہنا تھا کہ بیرونی سازش کے نتیجے میں منتخب جمہوری حکومت پر شب خون مارا گیا، اور اس سازش کے اہداف مکمل کرنے کیلئے پوری دستوری سکیم کو یکسر انداز کیا گیا، اسپیکر کی واضح رولنگ، پارلیمان کی بالادستی اور صدر و گورنر کے اختیارات سب پر کلہاڑیاں چلائی گئیں، مجرموں پر محیط کٹھ پتلی حکومت عوام کے جمہوری و آئینی حقوق بھی سلب کرنے کو تیار ہے۔چیئرمین تحریک انصاف نے کہا کہ سیاسی مخالفین اور میڈیا میں تنقیدی آوازوں کو دبانے کیلئے بدترین انتقامی حربے استعمال کئے جارہے ہیں، قوم کٹھ پتلی سرکار کے آمرانہ طرزِ اقتدار کو مسترد، حقیقی آزادی کے تحفظ کیلئے تیار ہے، اسلام آباد کی کال دوں گا تو بزدل مجرموں کے سازشی ٹولے کو چھنے کی جگہ نہیں ملے گی۔