اسلام آباد (ویب نیوز)
ملک میں 24 گھنٹوں کے دوران کورونا سے کوئی ہلاکت نہیں ہوئی، گذشتہ چوبیس گھنٹوں میں 459 نئے کیسز رپورٹ ہوئے۔ قومی ادارہ صحت (این آئی ایچ)کے مطابق گزشتہ روز 16ہزار 419 کورونا وائرس کے تشخیصی ٹیسٹ کیے گئے، مثبت کیسز کی شرح 2.80 فیصد رہی جبکہ ملک میں 163مریضوں کی حالت تشویشناک ہے۔ کراچی میں گزشتہ روز کورونا مثبت کیسز کی شرح 3.46 فیصد رہی، لاہور میں یہ شرح 5.88فیصد ریکارڈ کی گئی۔گزشتہ روز حیدرآباد میں کورونا مثبت کیسز کی شرح 4.95فیصد رہی، پشاورمیں کورونا مثبت کیسز کی شرح 3.26فیصد جبکہ ملتان میں کیسز کی شرح 2.58فیصد رہی۔این آئی ایچ نے کہا کہ اسلام آباد میں گزشتہ روز کورونا مثبت کیسز کی شرح 4.33فیصد رہی، گلگت میں کورونا کیسز کی شرح 14.29فیصد تک پہنچ گئی ۔اس کے علاوہ گزشتہ روز گجرات میں مثبت کیسز کی شرح 1.12فیصد، بہاولپور میں 3 فیصداور میرپور آزاد کشمیر میں کورونا مثبت کیسز کی شرح 1.92فیصد ریکارڈ کی گئی۔
