شمالی وزیرستان، سکیورٹی فورسز سے جھڑپ میں 2 دہشتگرد ہلاک دہشتگردوں اور سکیورٹی فورسز میں فائرنگ کا تبادلہ ایشام میں ہوا ، اسلحہ اور گولہ بارود بھی برآمدکیا گیا،آئی ایس پی آر

راولپنڈی (ویب نیوز)

شمالی وزیرستان میں سکیورٹی فورسز سے جھڑپ میں 2 دہشتگرد ہلاک ہوگئے۔پاک فوج کے شعبہ تعلقات عامہ(آئی ایس پی آر)کے مطابق شمالی وزیرستان کے علاقے ایشام میں دہشتگردوں اور سکیورٹی فورسز میں فائرنگ کا تبادلہ ہواجس کے نتیجے میں 2 دہشتگرد ہلاک ہوگئے۔آئی ایس پی آر کے مطابق دہشتگرد سکیورٹی فورسز کے خلاف دہشتگردی کی کارروائیوں میں ملوث تھے، ان کے قبضے سے اسلحہ اور گولہ بارود بھی برآمد کیا گیا ہے۔آئی ایس پی آر کا کہنا ہے کہ پاک فوج ملک میں دہشتگردی کے خلاف زیرو ٹالرنس کی پالیسی پر کار بند ہے۔