سپریم کورٹ ، پولیس آرڈر 2002 کی منسوخی سے متعلق درخواستوں پر سماعت ملتوی کرائم سین کا تحفظ نہ ہونے سے شواہد ضائع اور پراسیکیوشن کے عدالتوں میں ناقابل قبول شواہد پیش کرنے سے ملزمان بری ہوجاتے ہیں،چیف جسٹس

سپریم کورٹ ، پولیس آرڈر 2002 کی منسوخی سے متعلق درخواستوں پر سماعت غیر معینہ مدت کیلئے ملتوی

کرائم سین کا تحفظ نہ ہونے سے شواہد ضائع اور پراسیکیوشن کے عدالتوں میں ناقابل قبول شواہد پیش کرنے سے ملزمان بری ہوجاتے ہیں،چیف جسٹس

 سندھ نے علیحدہ سے خصوصی تفتیشی ونگ قائم کیا ، سندھ پولیس کا اقدام قابل ستائش ہے، خیبرپختونخوا میں بھی پولیس نظام کو کچھ بہتر کیا گیا ،چیف جسٹس عمرعطابندیال

سندھ اسمبلی تحلیل ہوچکی، نگران حکومت سے ہدایات کیلئے مہلت دی جائے،وکیل فاروق ایچ نائیک کی استدعا

اسلام آباد (ویب  نیوز)

سپریم کورٹ میں پولیس آرڈر 2002 کی منسوخی سے متعلق درخواستوں پر سماعت غیر معینہ مدت کیلئے ملتوی کردی گئی۔ چیف جسٹس نے ریمارکس دیئے کہ کرائم سین کا تحفظ نہ ہونے سے شواہد ضائع اور پراسیکیوشن کے عدالتوں میں ناقابل قبول شواہد پیش کرنے سے ملزمان بری ہوجاتے ہیں ۔سپریم کورٹ آف پاکستان میں پولیس آرڈر 2002 کی منسوخی سے متعلق درخواستوں پر سماعت ہوئی، چیف جسٹس عمر عطا بندیال کی سربراہی میں 3 رکنی بینچ نے سماعت کی۔ چیف جسٹس نے ریمارکس دیئے کہ کرائم سین کا تحفظ نہ ہونے سے شواہد ضائع اور پراسیکیوشن کے عدالتوں میں ناقابل قبول شواہد پیش کرنے سے ملزمان بری ہوجاتے ہیں، پولیس تفتیش میں کمزوریاں ہیں جس کا ملزمان کو فائدہ ملتا ہے۔جسٹس عمر عطا بندیال کا کہنا ہے کہ سندھ نے علیحدہ سے خصوصی تفتیشی ونگ قائم کیا ہے، سندھ پولیس کا اقدام قابل ستائش ہے، پنجاب اور اسلام آباد پولیس نے تفتیش میں بہتری کیلئے ابھی ایسے اقدامات نہیں کئے، خیبرپختونخوا میں بھی پولیس نظام کو کچھ بہتر کیا گیا ہے۔انہوں نے کہا کہ پنجاب اور اسلام آباد دونوں پولیس نظام بہتر بنانے میں دیگر صوبوں سے پیچھے ہیں، حال ہی میں عدالتی پالیسی ساز کمیٹی کا اجلاس ہوا، اجلاس میں تمام آئی جیز اور پراسیکیوٹرز پیش ہوئے۔وکیل فاروق ایچ نائیک نے دلائل دیتے ہوئے کہا کہ سندھ اسمبلی تحلیل ہوچکی، نگران حکومت سے ہدایات کیلئے مہلت دی جائے۔سپریم کورٹ نے پولیس آرڈر کی منسوخی سے متعلق درخواست پر سماعت چھٹیوں کے بعد تک ملتوی کردی۔