’عمران خان کی جانب سے ادارے اور افسر کیخلاف الزامات ناقابل قبول ہیں‘ آئی ایس پی آر پاکستان کی فوج ایک انتہائی پیشہ ور اور نظم وضبط کی حامل تنظیم ہے پاک فوج کا ایک مضبوط اور انتہائی مؤثر اندرونی احتسابی نظام ہے۔

آئی ایس پی آر نے عمران خان کے بیان پر ردعمل دیتے ہوئے کہا ہے کہ چیئرمین پی ٹی آئی کی جانب سے ادارے اور افسر کیخلاف الزامات ناقابل قبول ہیں۔

میڈیا کو جاری بیان میں آئی ایس پی آر نے کہا کہ پاکستان کی فوج ایک انتہائی پیشہ ور اور نظم وضبط کی حامل تنظیم ہے پاک فوج کا ایک مضبوط اور انتہائی مؤثر اندرونی احتسابی نظام ہے۔

بیان کے مطابق ادارے پر لگائے گئے بےبنیاد الزامات انتہائی افسوسناک اور قابل مذمت ہیں کسی کو بھی ادارے یا افسران کی بےعزتی کی اجازت نہیں دی جائےگی حکومت سےدرخواست کی گئی ہےمعاملےکی تحقیقات کرے، حکومت ادارےاور افسر کیخلاف ہتک عزت پرقانونی کارروائی کرے اور جھوٹے الزامات کے ذمہ داروں کیخلاف قانونی کارروائی کرے۔