اسلام آباد (ویب نیوز)
سابق وزیر اعظم عمران خان کی گرفتاری کے بعد ہونے والے احتجاج کے بعد بند کی جانے والی مختلف سڑکیں کھول دی گئیں۔اسلام آباد پولیس لائنز کے گیٹ پر پولیس کی بھاری نفری موجود ہے اور چاروں اطراف ایف سی سمیت اور دیگر فورسز بھی موجود ہیں جبکہ پولیس لائنز کے چاروں اطراف سڑکوں کو کنٹینرز لگا کر بند کردیا گیا ۔دوسری جانب رات پی ٹی آئی کارکنان کے احتجاج کے باعث بند نائنتھ ایونیو سڑک کھول دی گئی، نائنتھ ایونیو سڑک مظاہرین کے منتشر ہونے کے بعد رات گئے ٹریفک کے لئے کھول دی گئی تھی۔ رات گئے پی ٹی آئی کارکنان کے منتشر ہونے کے بعد بند مختلف سڑکیں کھول دی گئیں۔
