لاہور میں پولیس نے ڈیجیٹل ناکے لگا دیئے ایف آئی آر کا الیکٹرونک اندراج،

لاہور میں پولیس نے ڈیجیٹل ناکے لگا دیئے

 ایف آئی آر کا الیکٹرونک اندراج، ضمنی چالان کا آن لائن اسٹیٹس

، سیف سٹی کیمروں سے شہر کی نگرانی کے بعد اب ناکے ڈیجٹیل ٹیکنالوجی پر منتقل

شہر کے سات داخلی اور خارجی راستوں پر ای پولیس پوسٹ ایپ سے شہریوں کی چیکنگ کی جانے لگی

آئٹر…لاہور(صباح نیوز) لاہور میں محکمہ پولیس نے غیر ضروری ناکے ختم کر کے ڈیجیٹل ناکے لگا دیئے۔لاہور میں ایف آئی آر کا الیکٹرونک اندراج، ضمنی چالان کا آن لائن اسٹیٹس، سیف سٹی کیمروں سے شہر کی نگرانی کے بعد اب ناکوں کو بھی ڈیجٹیل ٹیکنالوجی پر منتقل کر دیا گیا۔لاہور شہر کے سات داخلی اور خارجی راستوں پر ای پولیس پوسٹ ایپ سے شہریوں کی چیکنگ کی جانے لگی۔ ای پولیس پوسٹ ایپ سے جرائم پیشہ افراد کو صرف شناختی کارڈ نمبر کی مدد سے فوری گرفت میں لایا جا سکتا ہے۔پولیس کا کہنا ہے کہ اس ایپ کا بہت فائدہ ہے ہمیں فوری ایک کلک پر شہری کا کریمنل ریکارڈ پتہ چل جاتا ہے اور اسی کی مدد سے کچھ دیر پہلے ہم نے ایک اشتہاری کو پکڑا ہے۔محکمہ پولیس کے مطابق ایپلی کیشن کے ذریعہ چوری شدہ گاڑیوں اور موٹرسائیکلوں کا بھی پتہ چلے گا۔اس ایپ سے نہ صرف جرائم پیشہ افراد کی نشاندہی میں آسانی ہو گی بلکہ عام شہریوں کو بھی ناکوں پر ریلیف ملے گا۔چار ماہ قبل لاہور پولیس نے ٹریول آئی کے نام سے نیا سافٹ متعارف کرایا تھا جس کا مقصد شہر کے مختلف اڈوں پر ٹکٹ خریدنے والے مطلوب ملزمان کو پکڑنا ہے۔پولیس کے مطابق اس سافٹ ویئر کے تحت لاہور کے تمام بس اڈے اور کمپنیاں رجسٹرڈ ہوں گے۔ اس سافٹ ویئر کی مدد سے بس اڈوں سے دوسرے شہروں میں فرار ہونے ملزمان پکڑے جاسکیں گے۔ کسی بھی مقدمہ میں نامزد ملزم اگر کسی بھی بس سروس سے ٹکٹ خرید کر سفر کرے گا تو وہ فوری سافٹ ویئر کے ذریعے پکڑا جائے گا۔انچارج کنٹرول روم سب انسپکٹر عمیر احمد کے مطابق ہمارے اس سسٹم میں لاہور کے بڑے بس اڈے رجسٹرڈ ہیں جن کے پاس لاگ ان ہیں جو بھی ٹکٹ خریدے گا اسکا ریکارڈ ہمارے پاس آجائے گا۔mk/ah

#/S

Editor

Next Post

کورونا وائرس مزید 40افراد جاں بحق،اموات 5426ہو گئی

جمعرات جولائی 16 , 2020
۳کورونا وائرس مزید 40افراد جاں بحق،اموات 5426ہو گئیں مزید 2145نئے کیسز رپورٹ ہونے سے متاثرین کی تعداد 2لاکھ 57ہزار914 ہو گئی،172810مریض صحتیاب سندھ 108913،پنجاب 88539،خیبر پختونخوا 31217،بلوچستان 11322، اوراسلام آباد میں 14402 کیسز ہو گئے اسلام آباد(صباح نیوز) ملک بھر میں کورونا وائرس سے مزید 40افراد جاں بحق ہو گئے، […]