مجھے کچھ ہوا توعمران خان کے خلاف ایف آئی آر درج کراؤں گا، شہباز شریف

اسلام آباد (ویب ڈیسک)

مسلم لیگ (ن) کے صدر شہباز شریف نے کہا ہے کہ اگر میری کمر کو کچھ ہوا یا میری جان گئی تو اس کی ایف آئی آر عمران خان اور شہزاد اکبر کے خلاف درج کراؤں گا۔

لاہور کی احتساب عدالت میں شہباز شریف اور ان کے اہل خانہ کے خلاف منی لانڈرنگ اور اثاثہ جات کیس کی سماعت پر سماعت ہوئی۔ نیب کی جانب سے شہباز شریف اور حمزہ شہباز کو عدالت میں پیش کیا گیا۔

دفتر خارجہ کی جانب سے جمع کرائی گئی رپورٹ میں عدالت کو بتایا گیا کہ برطانیہ میں سلمان شہباز کے وارنٹ گرفتاری کسی نے وصول نہیں کیے۔

دوران سماعت عدالت کو بتایا گیا کہ کیس کے ملزم حمزہ شہباز کا کورونا سے صحت یاب ہوگئے ہیں ، ان کا کوویڈ 19 ٹیسٹ منفی آیا ہے۔

عدالت میں پیشی کے دوران میڈیا سے غیر رسمی گفتگو کرتے ہوئے شہباز شریف نے کہا کہ نیب نیازی گٹھ جوڑ کا ڈٹ کر مقابلہ کریں گے تاہم کمرہ عدالت میں نیب حکام کی جانب سے شہباز شریف کو میڈیا سے بات کرنے نہیں دی گئی۔

دوران سماعت شہباز شریف نے عدالت سے شکایت کی کہ سارا زمانہ جانتا ہے کہ مجھے کمر کی تکلیف ہے، میں نماز پڑھنے کے لئے کرسی کا رخ تبدیل کرنے کی مدد لیتا تھا، یکم اور دو اکتوبر کو میری مدد کرنے سے انکار کردیا گیا، پہلے کھانا مجھے اندر میزپر دیتے تھے ، اب جان بوجھ کر زمین پر رکھ دیتے ہیں تاکہ مجھے جھکنا پڑے۔ انہوں نے ایسی حرکت عمران خان اور شہزاد اکبر کی ایما پر کی، اگر جان بوجھ کر میری کمر کو کچھ ہوا، میری جان گئی تو اس کی ایف آئی آر عمران خان اور شہزاد اکبر کے خلاف درج کراؤں گا۔

شہباز شریف کی شکایت پر عدالت نے برہمی کا اظہار کرتے ہوئے کہا کہ شہباز شریف وزیراعلیٰ پنجاب رہ چکے ہیں ان کی عزت لازمی ہے، یہ بالکل برداشت نہیں کیا جائے گا کھانا زمین پر رکھا جائے، آئندہ ایسی شکایت نہ آئے۔ اگر سپروائزر وزٹ کرلوں تو کہا جائے گا جج ملنے چلا گیا۔

 

Editor

Next Post

نواز شریف لندن میں کسی بھارتی سے نہیں ملے: لیگی رہنما محمد زبیر

پیر اکتوبر 5 , 2020
کراچی (ویب ڈیسک) محمد زبیر نے کہا ہے کہ نواز شریف لندن میں کسی بھارتی سے نہیں ملے، سوچے سمجھے منصوبے کے تحت سابق وزیراعظم کا تعلق بھارت سے جوڑا گیا، حکومتی لوگ سیاست چھوڑ کر ذاتیات پر آگئے، پی ڈی ایم کے پلیٹ فارم سے بھرپور جدوجہد ہوگی۔ گورنر […]