گلگت بلتستان اسمبلی: پی ٹی آئی کے سید امجد زیدی اسپیکر، نذیر ایڈووکیٹ ڈپٹی اسپیکر منتخب

گلگت بلتستان اسمبلی: پی ٹی آئی کے سید امجد زیدی اسپیکر، نذیر ایڈووکیٹ ڈپٹی اسپیکر منتخب

گلگت بلتستان کے وزیر اعلی چنا و کل عمل میں لایا جائے گا

گلگت(ویب ڈیسک )گلگت بلتستان کی قانون ساز اسمبلی کے لیے تحریک انصاف اتحاد کے سید امجد زیدی اسپیکر اور نذیر ایڈووکیٹ ڈپٹی اسپیکر منتخب ہوگئے۔گلگت بلتستان اسمبلی کے اجلاس میں خفیہ رائے شماری کے ذریعے اسپیکر اور ڈپٹی اسپیکر کا انتخاب عمل میں لایا گیا۔اسپیکر فدا محمد ناشاد کے مطابق اسپیکر کے انتخاب میں تحریک انصاف اتحاد کے امیدوار سید امجد زیدی کو 23 میں سے 18 ووٹ ملے، اتحاد کے 4 ووٹ ضائع اور ایک اپوزیشن کے حق میں ڈالا گیا۔اسپیکر کے لیے اپوزیشن اتحاد کے امیدوار غلام محمد کو 9 ووٹ میں سے 8 ووٹ حاصل ہوئے جن میں سے 2 ووٹ ضائع ہوئے۔ڈپٹی اسپیکر کے انتخاب میں تحریک انصاف اتحاد کے امیدوار نذیر ایڈووکیٹ 23 میں سے 22 ووٹ حاصل کر کے کامیاب ہوئے۔اپوزیشن کے امیدوار رحمت خالق کو 9 ووٹ حاصل ہوئے جبکہ نومنتخب اسپیکر امجد زیدی نے قانون کے مطابق ووٹ کاسٹ نہیں کیا۔گلگت بلتستان کے وزیر اعلی کے لیے 27 نومبر کو کاغذات نامزدگی جمع کرائے جائیں گے اور 28 نومبر کو چنا عمل میں لایا جائے گا۔گلگت بلتستان اسمبلی کے ارکان کی مجموعی تعداد 33 ہے تاہم پاکستان پیپلز پارٹی کے صوبائی صدر امجد ایڈووکیٹ کی دو سیٹوں پر جیتنے پر ایک نشست خالی ہو گئی ہے، جس کے باعث 32 ارکان نے اسپیکر اور ڈپٹی اسپیکر کے انتخاب کے لیے حق رائے دہی استعمال کیا۔واضح رہے کہ گزشتہ روز گلگت بلتستان قانون ساز اسمبلی کے نومنتخب 33 میں سے 32 اراکین نے حلف اٹھالیا تھا۔

 

Comments are closed, but trackbacks and pingbacks are open.