ووٹ کو عزت دو کا نعرہ لگانے والوں میں شکست تسلیم کرنے کا حوصلہ نہیں ۔ فردوس عاشق ، شبلی فراز

ووٹ کو عزت دو کا نعرہ لگانے والوں میں شکست تسلیم کرنے کا حوصلہ نہیں ۔
ضمنی انتخابات کو سبوتاڑ کرنے کیلئے (ن) نے اپنے سپیشلسٹ رانا ثناء اللہ اور میاں جاوید لطیف بھیجا , مگر مریم نواز آج مگرمچھ کے آنسو بہا رہی تھیں۔ فردوس عاشق اعوان اور شبلی فراز کی علی اسجد ملہی کے ہمراہ پریس کانفرنس

ڈسکہ ( ویب  نیوز) وفاقی وزرا اور معاون خصوصی فردوس عاشق اعوان نے مسلم لیگ (ن) پر سخت تنقید کرتے ہوئے کہا ہے کہ انہوں نے ہمیشہ دھونس، پیسے اور قتل وغارت کی سیاست کی ہے ووٹ کو عزت دو کا نعرہ لگانے والوں میں شکست تسلیم کرنے کا حوصلہ نہیں ہے ڈسکہ کے حلقہ این اے 75 میں تحریک انصاف کے امیدوار علی اسجد ملہی کے ہمراہ پریس کانفرنس کرتے ہوئے وفاقی وزیر اطلاعات شبلی فراز کا کہنا تھا کہ ضمنی انتخابات کو سبوتاڑ کرنے کیلئے (ن) نے اپنے سپیشلسٹ رانا ثناء اللہ اور میاں جاوید لطیف کو یہاں بھیجا تھا مگر مریم نواز آج مگرمچھ کے آنسو بہا رہی تھیں رانا ثناء اللہ کی سربراہی میں ساری جانیں گئیں، یہ سب کچھ الیکشن کو آلودہ اور عوام کو ڈرانے کیلئے کیا گیا پچھلے ایک ماہ سے ان کی لیڈرشپ کہہ رہی تھی کہ اب الیکشن بندوق سے جیتیں گے وزیراعظم عمران خان ملک سے پیسے اور دھونس کی سیاست کا خاتمہ چاہتے ہیں سینیٹ کے انتخابات میں اپوزیشن کا منافقانہ رویہ ہے اپوزیشن والے سارے وہی لوگ ہیںجنہوں نے ووٹ خریدے اور بیچے ہیںاس موقع پر گفتگو کرتے ہوئے وفاقی وزیر فواد چودھری نے کہاکہ ہمیں نوشہرہ اور وزیرآباد میں شکست کا سامنا کرنا پڑا لیکن ہم نے تودھاندلی کا گلا نہیں پھاڑا یہی ایک جمہوری اور آمر کی گود میں پلنے والی جماعت میں فرق ہے انہوں نے کہا کہ مریم بی بی کی والدہ نے ایک حلقے میں 3 ارب خرچ کیا تھا ہماری پنجاب حکومت اس ضمنی الیکشن میں بالکل غیر جانبدار رہی اگر الیکشن میں دھاندلی ہوئی تو اس کا الزام تو ہمیں لگانا چاہیے مریم نواز نے تو رات کو ایک بجے ہی جیت کا اعلان کر دیا تھامعاون خصوصی ڈاکٹر فردوس عاشق اعوان نے کہاکہ شاہی خاندان کے ذاتی ملازموں نے الیکشن کو خون آلودہ کرنے کی سازش کی مریم نواز نے قاتل کو ساتھ کھڑا کرکے شاباش دی وہ چوری کرکے سینہ زوری کر رہی ہیں پی ٹی آئی امیدوار علی اسجد ملہی نے اس موقع پر گفتگو کرتے ہوئے ن لیگی رہنما کو مخاطب کرتے ہوئے کہا کہ مریم بی بی! ہم 1947ء سے کبھی اپنے گاؤں سے نہیں ہارے اللہ تعالیٰ کا کرم ہوا ہے کہ یہ نشست ہم جیت چکے ہیں

Comments are closed, but trackbacks and pingbacks are open.