ریاض  (ویب ڈیسک)

سعودی فرماں روا شاہ سلمان بن عبدالعزیز نے غیر ملکیوں کے اقاموں اور وزٹ ویزوں میں مفت توسیع کرنے کی ہدایت کر دی۔

سعودی میڈیا کے مطابق ایگزٹ اور ری انٹری ویزوں کی بھی فیس کے بغیر توسیع کرنے کی ہدایت کی گئی ہے۔ توسیع خود کار نظام کے تحت 2 جون 2021 تک کسی فیس کے بغیر ہوگی۔

سعودی میڈیا کے مطابق وزیر خزانہ نے توسیع کے شاہی فرمان پر عمل درآمد کی ہدایت جاری کردی ہے۔ اقاموں اور ویزوں میں توسیع نیشنل انفارمیشن سینٹر کے تعاون سے خود کار نظام کے تحت ہوگی۔

سعودی محکمہ پاسپورٹ کا کہنا ہے کہ اقاموں اور ویزوں میں توسیع کے لیے دفاتر سے رجوع نہیں کرنا پڑے گا۔