لینڈ ریکارڈ کی ڈیجیٹلائزیشن سے جائیدادوں پر ناجائز قبضے کا خاتمہ ہوگا،عمران خان

اسلام آباد کی لینڈ ریکارڈ کی ڈیجیٹلائزیشن اور کیڈ سٹریل میپنگ کا افتتاح
لینڈ ریکارڈ کی ڈیجیٹلائزیشن سے جائیدادوں پر ناجائز قبضے کا خاتمہ ہوگا،عمران خان
سرمایہ کاری کے لیے قانون کا یکساں نفاذ ضروری ہے۔قانون کی بالادستی سے ہی سرمایہ کاری آتی ہے اور ملک میں خوشحال آئی ہے
وزیراعظم کا تقریب سے خطاب

اسلام آباد(ویب  نیوز)وزیراعظم عمران خان نے اسلام آباد کی لینڈ ریکارڈ کی ڈیجیٹلائزیشن اور کیڈ سٹریل میپنگ کا افتتاح کر دیا ہے۔اس موقع پر تقریب سے خطاب کرتے ہوئے وزیراعظم نے کہا کہ لینڈ ریکارڈ کی ڈیجیٹلائزیشن سے جائیدادوں پر ناجائز قبضے کا خاتمہ ہوگا اور ہر کوئی اپنے پلاٹ کوکمپیوٹر پر دیکھ سکے گا جائیدادوں پر ناجائز قبضے سے سب سے زیادہ بیرون ملک مقیم پاکستانی متاثر ہو رہے تھے سمندر پار پاکستانیوں کے لیے اگر مناسب ماحول فراہم کردیں تو وہ اپنے ملک میں سرمایہ کاری کریں گے۔وزیراعظم نے کہا ہے کہ قبضہ مافیا کبھی نہیں چاہتا کہ لینڈ ریکارڈ ڈیجیٹلائز ہو۔لینڈ ریکارڈ کمپیوٹرائزڈ نہ کرنے سے طاقتور لوگوں کو فائدہ ہوتا رہا منصوبے کی بروقت کامیاب تکمیل پر چیئرمین سی ڈی اے سمیت تمام متعلقہ حکام کو مبارکباد دیتا ہوں۔وزیراعظم نے کہا کہ صرف اسلام آباد  میں 300 ارب روپے مالیت کی اراضی پر ناجائز قبضہ تھا یا اسے استعمال میں ہی نہیں لایا جا سکا۔اس عمل سے شفافیت آ جائے گی شفافیت نہ ہونے کی وجہ سے طاقتور مافیا نے بے حد پیسہ بنایا کمزور لوگوں پر بہت ظلم ہوتا رہا ہے۔

 

جائیدادوں ناجائز قبضے سے سب سے زیادہ بیرون ملک مقیم پاکستانی متاثر ہوئے۔سمندر پار پاکستانیوں کے لیے اگر مناسب ماحول فراہم کر دیں تو وہ اپنے ملک میں سرمایہ کاری کریں گے سرمایہ کاری کے لیے قانون کا یکساں نفاذ ضروری ہے۔قانون کی بالادستی سے ہی سرمایہ کاری آتی ہے اور ملک میں خوشحال آئی ہے۔عدالتوں میں زیادہ تر زیر سماعت کیسز جائیدادوں کے حقوق کے تعین سے متعلق ہیں ہمیشہ غریب کمزور آدمی مار کھاتا ہے اس منصوبے سے جائیدادوں پر ناجائز قبضے کا خاتمہ ہوگا لینڈ ریکارڈ کی ڈیجیٹلائزیشن سے ہر کوئی اپنے پلاٹ کو کمپیوٹر پر دیکھ سکے گا۔اگلے مرحلے میں لوگ زمینوں کا انتقال گھر بیٹھے آن لائن کرا سکیں گے۔اسلام آباد ،لاہور اور کراچی تینوں شہروں کی کیڈ سٹریل میپنگ نومبر میں ڈیجیٹلائز ہو جائے گی اور اگلے چھ ماہ میں سارے پاکستان کو ہم کور کر لیں گے۔اس سے لوگوں کی جائیدادوں کے مسئلے حل ہو جائیں گے ٹیکنالوجی قبضہ گروپ کو ناجائز قبضے سے روکے گی۔انہوں  نے کہا کہ ملک میں شجرکاری مہم میں بھی کیڈسٹریل میپنگ سے بہت فائدہ ملے گا۔کیڈسٹریل میپنگ کے ذریعے جنگلات کے کٹاؤ کی روک تھام میں بھی مدد ملے گی۔سرینگر ہائی وے پر113 ایکڑ پر ہمارا جنگل اگ چکا ہے جو کیڈ سٹریل میپنگ پر دیکھا جا سکتا ہے اگر اس سے کوئی درخت کٹے گا  تو وہ بھی ہمیں نظر آ جائے گا وزیراعظم نے کہا کہ حکومتی زمینوں کو بچانا بہت ضروری ہے ہم نے 3 سالوں میں اربوں روپے مالیت کی زمینوں پر قبضے چھڑوائے ہیں۔فرسٹ لینڈ پر 1100 ایکڑ زمین پر قبضہ ہوا تھا۔جس چھڑوایا گیا ہے کیڈ سریل میپنگ سے ہم باآسانی دیکھ سکیں گے کہ کہاں کیا ہو رہا ہے پہلے زمین کی ٹرانسفرکرانا ایک عذاب تھا پیسے نہ ہونے کی وجہ سے غریب کے لیے قبضہ چھڑانا مشکل ہی نہیں  نا ممکن تھا اب اس کے لیے کوئی مشکل نہیں رہی۔اب لوگوں کے لیے آسانیاں  پیدا ہونگی اور شفافیت بھی آئے گی۔