انٹر بینک مارکیٹ میں امریکی ڈالر مزید 36 پیسے مہنگا، 168 روپے 2 پیسے پر بند ہو گیا
کراچی( ویب نیوز)کاروباری ہفتے کے آخری روز انٹر بینک میں امریکی ڈالر 168 روپے 2 پیسے پر فروخت ہوا۔ ڈالر نے 13 ماہ بعد 168 روپے کی سطح عبور کی ہے، آخری بارڈالر اگست 2020 میں 168.43 روپے پر بند ہوا تھا۔ مئی 2021 سے اب تک ڈالر 15 روپے 74 پیسے مہنگا ہوا جس کے نتیجے میں بیرونی قرضوں کے بوجھ میں 1800 ارب روپے کا اضافہ ہوا۔دوسری جانب بیرون ممالک رہائش پذیرورکرز میں ترسیلات زر کا مضبوط رجحان دیکھنے میں آیا ہے جواگست میں 2.66 ارب ڈالر تک پہنچ گیا، اس طرح مسلسل چھٹے ماہ آمدنی اوسطا 2.7 ارب ڈالر ریکارڈ کی گئی۔ ترسیلات مسلسل 15 ماہ 2ارب ڈالر سے اوپر رہیں، اس طرح ترسیلات زر میں 10.4 فیصد کا اضافہ دیکھنے میں آیا ہے۔معاشی ماہرین کا کہنا ہے کہ ترسیلات زر کے حجم میں حالیہ اضافہ روپے کی قدر میں اضافے کا سبب بنے گا۔
