لاہور (ویب نیوز)
پاکستان تحریک انصاف کے عمران خان نے تحریک انصاف کی سیاسی سرگرمیوں میں رکاوٹوں اور مقدمات کے اندراج پرلاہور ہائیکورٹ سے رجوع کرلیا ۔عمران خان نے اپنی درخواست میں استدعا کی ہے کہ پی ٹی آئی کارکنوں کیخلاف آئے روز مقدمات درج ہو رہے ہیں، عدالت کارکنان کی نظر بندیوں اور گرفتاریوں کو روکنے کا حکم دے۔ درخواست میں عدالت سے عمران خان کیخلاف درج تمام مقدمات کا ریکارڈ طلب کر کے اداروں کو تادیبی کارروائی سے روکے جانے کا حکم دینے کی بھی استدعا کی گئی۔چیئرمین پی ٹی آئی کی جانب سے دائر کردہ درخواست میں مزید کہا گیا کہ گرفتاری سے قبل نوٹس دینے کی ہدایت بھی کی جائے۔
