گڈ ٹو سی یو کہنے پر تنقید ہوئی، یہ میں ہر ایک کو کہتا ہوں، چیف جسٹس پاکستان کی وضاحت کہ آپ کو دیکھ کرخوشی ہوئی، یہ میں ہرکسی کو کہتا ہوں، مجھے گڈ ٹو سی یو کہنے پر تنقید کا نشانہ بنایا گیا

• میں ہر ایک کو احترام دیتا ہوں ،ادب و اخلاق تو سب کے لیے ضروری ہے، ادب و اخلاق کے بغیر مزا نہیں، جسٹس عمر عطا بندیال کے ریمارکس

اسلام آباد (ویب نیوز)

چیف جسٹس پاکستان عمر عطا بندیال نے ”گڈ ٹو سی یو” کہنے پر ہونے والی تنقید کے بعد معاملے کی وضاحت کرتے ہوئے کہا ہے کہ وہ ہر کسی کو کہتے ہیں کہ آپ کو دیکھ کر خوشی ہوئی لیکن اس پر انہیں تنقید کا نشانہ بنایا گیا۔سپریم کورٹ میں سول مقدمے کی سماعت کے دوران چیف جسٹس پاکستان عمر عطا بندیال نے وکیل اصغر سبزواری سے مکالمہ کیا کہ آپ کو دیکھ کر خوشی ہوئی، کافی وقت بعد آپ میری عدالت آئے۔چیف جسٹس پاکستان نے کہا کہ آپ کو دیکھ کرخوشی ہوئی، یہ میں ہرکسی کو کہتا ہوں، مجھے گڈ ٹو سی یو کہنے پر تنقید کا نشانہ بنایا گیا۔جسٹس عمر عطا بندیال نے مزید کہا کہ میں ہر ایک کو احترام دیتا ہوں ،ادب و اخلاق تو سب کے لیے ضروری ہے، ادب و اخلاق کے بغیر مزا نہیں۔واضح رہے کہ چیئرمین پی ٹی آئی عمران خان کی گرفتاری کیبعد سپریم کورٹ میں پیشی کے موقع پر چیف جسٹس نے عمران خان کو دیکھ کر کہا تھا  ویلکم خان صاحب! آپ کو دیکھ کر خوشی ہوئی۔چیف جسٹس کے ریمارکس پر سیاسی رہنماں کی جانب سے انہیں شدید تنقید کا سامنا کرنا پڑا۔