لاہور (ویب ڈیسک)
غیر سرکاری تنظیم، ویژن وِدآؤٹ بیریئرز کی جانب سے جسمانی طور پر معذور طلبہ کے لیے جی سی یونیورسٹی لاہور سینٹر فار اسپیشل اسٹوڈنٹس کو کمپیوٹر اور دیگر آلات عطیہ۔ گورنر پنجاب چوہدری محمد سرور نے اس حوالے سے منعقدہ تقریب کی صدارت کی جبکہ اس موقع پر وائس چانسلر پروفیسر ڈاکٹر اصغر زیدی بھی موجود تھے۔ اس موقع پر گفتگو کرتے ہوئے، گورنر پنجاب چوہدری محمد سرور نے تعلیمی اداروں میں جسمانی طور پر معذور طلباء کو زیادہ سے زیادہ سہولیات فراہم کرنے پر زور دیا۔ ان کا خیال تھا کہ ان خصوصی طلباء کو ترجیحی بنیادوں پر ملازمتیں بھی دی جانی چاہئیں۔ انہوں نے وژن ودآؤٹ بیریئرز کے صدر معز خان, نائب صدر لیفٹیننٹ کرنل (ر) حامد خان اور تنویر احمد کے کام کو سراہتے ہوئے کہا کہ انہوں نے لندن میں ان سے ملاقات کی اور پاکستان میں جسمانی طور پر معذور طلباء کو بااختیار بنانے کے لیے کام کرنے کی خواہش کا اظہار کیا۔ انہوں نے کہا کہ بیرون ملک مقیم پاکستانی اور این جی اوز 10,000 سے زیادہ سولر واٹر پمپ فراہم کر رہے ہیں۔ گورنر نے جی سی یو کے وائس چانسلر پروفیسر زیدی کی محنت اور اقدامات کو بھی سراہا۔ وائس چانسلر پروفیسر زیدی نے کہا کہ خصوصی طلباء کو آلات اور تربیت کی صورت میں اضافی مدد کی ضرورت ہوتی ہے، اس لیے جی سی یو اپنے مرکز برائے خصوصی طلباء کو پاکستان میں بہترین مرکز بنانا چاہتا ہے
