پاکستان اسرائیل کو کبھی تسلیم نہیں کر سکتا، صادق سنجرانی

حرمین شریفین کی حفاظت کیلئے کسی قربانی سے گریز نہیں کیا جائے گا

اسرائیل کے حوالے سے متحدہ عرب امارات کے فیصلے کے دور رس نتائج ہوں گے

پاکستان سعودی عرب کی جانب سے ہر مشکل وقت میں پاکستان کے ساتھ کھڑے رہنے کو کبھی فراموش نہیں کر سکتا،  چیئرمین سینیٹ

 چیئرمین سینیٹ سے سعودی سفیر کی ملاقات ،دوطرفہ تعلقات سمیت اہم امور پر تبادلہ خیال کیا گیا

اسلام آباد (ویب ڈیسک)

چیئر مین سینیٹ صادق سنجرانی  نے کہا ہے کہ پاکستان اسرائیل کو کبھی تسلیم نہیں کر سکتا، حرمین شریفین کی حفاظت کیلئے کسی قربانی سے گریز نہیں کیا جائے گا۔پارلیمنٹ ہائوس میں چیئرمین سینیٹ صادق سنجرانی اور سعودی سفیر کے درمیان ملاقات ہوئی جس میں دوطرفہ تعلقات سمیت اہم امور پر گفتگو کی گئی۔ اس موقع پر چیئرمین سینیٹ نے کہا کہ ہر مشکل وقت میں دونوں ممالک ایک دوسرے کے ساتھ کھڑے رہے ہیں، ہمیشہ بین الاقوامی معاملات اور مسائل پر مشاورت سے کام کرتے ہیں۔ انہوں نے کہا کہ پاکستان اسرائیل کو کبھی تسلیم نہیں کر سکتا، اسرائیل کے حوالے سے متحدہ عرب امارات کے فیصلے کے دور رس نتائج ہوں گے،  پارلیمنٹ بالخصوص ایوان بالا کی جانب سے اس عزم کا اعادہ کرتے ہیں کہ حرمین شریفین کی حفاظت کیلئے کسی قربانی سے گریز نہیں کیا جائے گا۔ان کا کہنا تھا کہ پاکستان سعودی عرب کی جانب سے ہر مشکل وقت میں پاکستان کے ساتھ کھڑے رہنے کو کبھی فراموش نہیں کر سکتا، امید کرتے ہیں کہ سعودی عرب بھی اسی جذبے کے ساتھ تعاون جاری رکھے گا۔چیئرمین سینیٹ کی جانب سے سعودی عرب کے بادشاہ شاہ عبداللہ اور ولی عہد شہزادہ محمد بن سلمان کیلئے نیک خواہشات کا اظہار بھی کیا گیا۔

Editor

Next Post

کراچی:کینجھر جھیل میں کشتی الٹ گئی، خواتین و بچوں سمیت 10 افراد جاں بحق

پیر اگست 17 , 2020
کراچی(ویب ڈیسک) ٹھٹھہ کی کینجھر جھیل میں تیز رفتار تفریحی کشتی تیز ہواں کے باعث الٹ گئی۔ کراچی کے علاقے محمود آباد سے گئے ایک ہی خاندان کے 10 افراد ڈوب کر جاں بحق ہوگئے، تین کو بچالیا گیا۔ریسکیو ذرائع کے مطابق ٹھٹھہ کی کینجھر جھیل میں الٹنے والی کشتی […]