پاکستان اور سعودی عرب دو جسم ایک جان ہیں،اعجاز شاہ
ایک ماہ میں دو بھائیوں کو کھو دینے کا غم بہت بڑا ہے اللہ تعالی لواحقین کو صبر جمیل عطا فرمائے،سعودی سفیر کی وزیرداخلہ سے تعزیت
اسلام آباد (ویب ڈیسک)
سعودی سفیر نواف بن سعید المالکی نے وزیر داخلہ اعجاز احمد شاہ سے وزارت داخلہ میں ملاقات اور تعزیت کی اور باہمی تعلقات کو مزید مستحکم کرنے کا اعادہ کیا۔وزیر داخلہ اعجاز احمد شاہ نے کہاکہ پاکستان اور سعودی عرب دو جسم ایک جان ہیں۔سعودی سفیر نے کہاکہ ایک ماہ میں دو بھائیوں کو کھو دینے کا غم بہت بڑا ہے اللہ تعالی لواحقین کو صبر جمیل عطا فرمائے۔پیرکوسعودی سفیر نواف بن سعید المالکی نے وزیر داخلہ اعجاز احمد شاہ سے ان کے بھائیوں کی وفات پر اظہار تعزیت اور ورثا کے حق میں دعا کی۔ان کا کہنا تھا کہ ایک مہینے میں دو بھائیوں کو کھو دینے کا غم بہت بڑا ہے۔انہوں نے دعا کی کہ اللہ تعالی لواحقین کو صبر جمیل عطا فرمائے۔وزیر داخلہ اعجاز احمد شاہ نے سعودی سفیر کا شکریہ ادا کیا- ملاقات کے دوران باہمی امور کے معاملات پر تبادلہ خیال کیا گیا-اس موقع پر وزیر داخلہ اعجاز احمد شاہ نے کرونا صورتحال اور عمرہ کے لیے پروازیں بحال کرنے کے حوالے سے دریافت کیااس کے جواب میں سعودی سفیر نے پروازیں بحال کرنے کے بارے میں کہا کہ جلد کرونا صورتحال بہتر ہوتے ہی پروازیں کھل جائیں گی- ان کا مزید کہنا تھا کہ مجموعی طور پر سعودی عرب میں کرونا کی صورتحال کافی بہتر ہے۔ باہمی امور پر گفتگو کرتے ہوئے وزیر داخلہ اعجاز احمد شاہ کا کہنا تھا کہ سعودی عرب سے صرف حکومتی سطح پر نہیں بلکہ عوامی سطح پر بھی برادرانہ تعلقات ہیںوزیر داخلہ کی بات سے متفق ہوتے ہوئے سعودی سفیر نے کہا کہ عوامی اور حکومتی روابط اس قدر مستحکم ہیں کہ انہیں نظرانداز نہیں کیا جاسکتا۔اس کے جواب میں اعجاز احمد شاہ کا کہنا تھا کہ پاکستان اور سعودی عرب دو جسم ایک جان ہیں۔سعودی سفیر نے وزیر داخلہ اعجاز احمد شاہ سے قیمتی وقت نکالنے پر شکریہ کا اظہار کیا اور ملاقات کا اختتام اس عہد کے ساتھ ہوا کہ آنے والے دنوں میں باہمی تعلقات کو مزید مستحکم بنایا جائے گا۔
