ملک میں کورونا کے فعال کیسز میں اضافہ؛ ایک روز میں 15 افراد جاں بحق

اسلام آباد (ویب ڈیسک)

ملک بھر میں کورونا وائرس کے فعال کیسز  کی تعداد 8 ہزار 877 ہوگئی جب کہ گزشتہ 24 گھنٹوں میں 625 لوگوں میں کوورنا وائرس کی تشخیص ہوئی ہے۔

نیشنل کمانڈ اینڈ آپریشن سینٹرکے تازہ اعداد وشمارکے مطابق گزشتہ 24 گھنٹوں میں کورونا کے625 نئے کیسز رپورٹ ہوئے جس کے بعد ملک بھرمیں مجموعی کیسز کی تعداد 3  لاکھ 13 ہزار 431 ہوگئی۔

این سی او سی کے مطابق فعال کیسز کی تعداد 8 ہزار 877 ہو گئی جب کہ اب تک کورونا وائرس میں مبتلا 2 لاکھ 98 ہزار 055 مریض صحتیاب ہوچکے ہیں۔ گزشتہ 24 گھنٹوں میں مزید 15اموات رپورٹ ہوئیں جس کے بعد مجموعی اموات کی تعداد 6 ہزار 499 ہوگئی۔

سندھ میں مریضوں کی تعداد ایک لاکھ 37 ہزار 467 ، پنجاب میں99 ہزار 605 خیبرپختونخوا 37 ہزار 845 ، اسلام آباد میں 16 ہزار 650، بلوچستان میں 15 ہزار 302 ، آزاد کشمیر 2 ہزار 754 اورگلگت بلتستان میں 3 ہزار 808 تعداد ہوگئی۔

Editor

Next Post

نواز شریف کی تقاریر پر پابندی ..پیمرا کو کمیٹی میں بلاکر بات ہوگی .. چیرمین کمیٹی

ہفتہ اکتوبر 3 , 2020
نواز شریف کی تقاریر پر پابندی  کا معاملہ سینیٹ  قائمہ کمیٹی اطلاعات و نشریات میں  اٹھ گیا عمران خان، طاہرالقادری اور دیگر لوگ  ماضی کیا کچھ کہتے رہے  ان کی تقاریر کو نہیں روکا گیا، اب یہ قدغن نواز شریف کی تقریر پر کیوں؟ سینیٹر پرویز رشید پیمرا کو کمیٹی […]