سانحہ بلدیہ کیس: مجرموں نے سندھ ہائی کورٹ میں اپیل دائر کر دی

کراچی (ویب ڈیسک)

سانحہ بلدیہ فیکٹری آتشزدگی کیس میں سزا یافتہ مجرموں نے ماتحت عدالت کی جانب سے سنائی گئی سزا کیخلاف سندھ ہائیکورٹ میں اپیل دائر کر دی۔

سزا کیخلاف اپیل دائر کرنے والے مجرمان میں زبیر چریا، رحمان بھولا، علی محمد، فضل محمد، شاہ رخ اور ارشد محمد شامل ہیں۔ تین فیکٹری ملازمین کی جانب سے شوکت حیات اور فاروق حیات ایڈووکیٹ نے اپیل دائر کی ہے۔

فیکٹری ملازمین کے وکیل نے کہا میرے موکلوں کو پولیس نے بے گناہ قراد دیا تھا، فضل محمد، علی محمد چوکیدار تھے، ان کیخلاف دوارن سماعت کوئی شواہد پیش نہیں کیا گیا، ماتحت عدالت نے حقائق کو نظر انداز کیا، فیصلے میں قانونی سقم ہے۔ اپیل میں استدعا کی گئی ہے کہ ماتحت عدالت کی سزا کو معطل کیا جائے۔

خیال رہے 22 سمتبر کو انسداد دہشتگردی کی عدالت نے سانحہ بلدیہ فیکٹری کیس کا فیصلہ سنایا تھا۔ رحمان بھولا اور زبیر چریا کوجرم ثابت ہونے پر 264 مرتبہ سزائے موت کی سزا سنائی تھی۔

Editor

Next Post

مقبوضہ وادی: شوپیاں میں بھارتی فوج کی فائرنگ، دو کشمیری نوجوان شہید

بدھ اکتوبر 7 , 2020
وادی (ویب ڈیسک) مقبوضہ وادی میں کشمیری نوجوانوں کی نسل کشی جاری ہے، ضلع شوپیاں میں قابض فوج نے دو کشمیری نوجوانوں کو شہید کر دیا۔ ضلع شوپیاں کے علاقے سوگان میں غاصب فوج نے نوجوانوں کو سرچ آپریشن کی آڑ میں گولیوں کا نشانہ بنایا، علاقے کو سیل کر […]