کراچی کے شہریوں کیلئے بڑی خوشخبری، کے سی آر کی بحالی کیلئے ہنگامی اقدامات

کراچی (ویب ڈیسک)

کراچی کے شہریوں کیلئے بڑی خوشخبری، سپریم کورٹ کے احکامات پر دو دہائیوں بعد کراچی سرکلر ریلوے کی بحالی کیلئے ہنگامی بنیادوں پر اقدامات کر دیئے گئے۔

پاکستان ریلوے کی جانب سے 11 بوگیاں اور 2 انجن سٹی ریلوے سٹیشن پہنچا دیئے گئے، واشنگ ٹریک پر ٹرین کی دھلائی اور مینیٹننس کا کام تیزی سے جاری ہے۔ ٹرین میں ایل سی ڈی، چارجنگ پوٹ کینٹین، واش روم اور پنکھوں سمیت دیگر سہولیات بھی رکھی گئی ہیں۔

19 نومبر سے اورنگی ٹاؤن تا پپری سٹیشن تک سرکلر ریلوے چلائی جائے گی۔ برسوں بعد کے سی آر کی بحالی سے بہتر سفری سہولت میسر آنے کی توقعات پر شہری اطمینان کا اظہار کر رہے ہیں۔

ریلوے حکام کے مطابق آج مخصوص روٹ پر آزمائشی طور پر ٹرین چلائی جائَے گی، جس کے بعد ٹرین کی سپیڈ اور سفری دورانیہ کا حتمی تعین کیا جائے گا۔

Comments are closed, but trackbacks and pingbacks are open.