اسلام آباد (ویب ڈیسک)
کورونا وائرس کی چوتھی لہر کے پیش نظر سول ایوی ایشن اتھارٹی (سی اے اے)نے ملازمین کی ویکسی نیشن کرانے کا فیصلہ کرلیا۔سی اے اے کے ڈائریکٹر ایچ آر نے تمام ملازمین کی ویکسی نیشن کے لئے مراسلہ جاری کر دیا ۔مراسلے کے مطابق حکومت کے تعاون سے ویکسین لگانے کے لیے انتظامات کرلیے گئے اور 31 جولائی 2021 تک تمام ملازمین اپنی ویکسی نیشن کرائیں ۔ سی اے اے مراسلے میں تحریر کیا گیا ہے کہ نان ویکسینیٹڈ ملازمین کے یکم اگست سے ایئرپورٹس اور دفاتر آنے پر پابندی ہوگی۔واضح رہے کہ ملک میں کورونا وائرس کی چوتھی لہر کے وار جاری ہیں، کورونا کیسز میں مسلسل اضافہ ہو رہا ہے اور ایک دن میں مزید 30 افراد جاں بحق ہوگئے جبکہ مثبت کیسز کی شرح 5 فیصد کے قریب ہو گئی ۔
