پی ٹی آئی کی لاہور میں کنٹونمنٹ بورڈز الیکشن میں شکست بارے ابتدائی رپورٹ مرتب

لاہور  (ویب ڈیسک)

لاہور  میں تحریک انصاف کی لاہور کے کنٹونمنٹ بورڈز انتخابات میں انتخابی شکست بارے ابتدائی رپورٹ مرتب کرلی گئی۔ لاہور میں کتنا ترقیاتی کام کیا گیا، رپورٹ میں اہم سوال اٹھا دیا گیا۔ نجی ٹی وی کے مطابق رپورٹ میں لاہور کو ترقیاتی کاموں کے حوالے سے ترجیح نہ دینا اہم وجہ قرار دیا گیا ۔ لاہور کے حوالے سے پارٹی کے مختلف رہنمائوں کا منفی پراپیگنڈہ بھی پی ٹی آئی کی عدم مقبولیت کی وجہ بنی۔رپورٹ کے مطابق دیہی سطح پر پی ٹی آئی کی مقبولیت بڑھی، شہری حلقوں میں تاحال چیلنجز کا سامنا ہے۔ ۔رپورٹ میں دعویٰ کیا گیا کہ پنجاب میں 25 فیصد کے قریب جعلی ووٹ ہیں جو سابق دور حکومت میں بنے، لاہور اور شہری حلقوں میں جعلی ووٹوں کے خلاف الیکشن کمیشن سے رجوع بھی کرچکے ہیں، الیکشن کمیشن کو جعلی ووٹوں کے حوالے سے خط بھی لکھ چکے ہیں، جعلی ووٹوں کے اخراج کے لئے الیکشن کمیشن اور دیگر متعلقہ فورمز سے ریلیف لینے کی کوششوں کو تیز کرنے کی تجویز دی گئی۔ ٹکٹ کی تقسیم میں کوئی ایشو پیدا نہیں ہوا، کچھ پارٹی رہنماں نے مہم میں کام نہیں کیا، پارٹی قیادت اور حکومتی قیادت کے درمیان کواڈینیشن بہتر بنانے کی تجویز دی گئی۔ پارٹی کی تنظیم کی حکومتی سطح پر شنوائی نہ ہونا بھی وجہ بنا۔