چینی کمپنیاں گوادر پورٹ پر حکومتی محکموں اور ان کے کام کی رفتارسے مطمئن نہیں، خالد منصور

چینی کمپنیاں گوادر پورٹ پر حکومتی محکموں اور ان کے کام کی رفتارسے مطمئن نہیں، خالد منصور
چینی سفیر نے انہیں بتایا ہے کہ گزشتہ 3 سال میں سی پیک پرکچھ نہیں ہوا، چینی رو رہے ہیں، سلیم مانڈوی والا

اسلام آباد(ویب  نیوز) وزیراعظم کے معاون خصوصی برائے سی پیک اتھارٹی خالد منصور نے اعتراف کیا ہے کہ نہ وہ گوادر پورٹ پر کام سے مطمئن ہیں اور نہ ہی چینی کمپنیاں حکومتی محکموں اور ان کے کام کی رفتارسے مطمئن ہیں۔سینیٹ قائمہ کمیٹی برائے منصوبہ بندی کے اجلاس میں خالد منصور نے کہا کہ جب چارج سنبھالا تو داسو کا واقعہ ہوچکا تھا، پھر گوادر کا واقعہ ہوا۔ چائنیز کام روک چکے تھے۔چیئرمین کمیٹی سلیم مانڈوی والا نے کہا کہ چینی سفیر نے انہیں بتایا ہے کہ گزشتہ 3 سال میں سی پیک پرکچھ نہیں ہوا، چینی رو رہے ہیں، گوادر میں جس طرح کام ہونا چاہیے نہیں ہورہا، وہ مجھے لکھ رہے ہیں، میں آئندہ اجلاس میں ان چائنیز کمپنیوں کو بلاوں گا اور آپ کو ان تمام چائنیز کمپنیوں کی فہرست دوں گا جو شکایتیں کررہی ہیں۔خالد منصور نے جواب دیا میں آپ کی بات سے متفق ہوں۔خالد منصور نے کہا کہ وہ چیئرمین کمیٹی کی بات سے اتفاق کرتے ہیں اور وہ خود گوادر پورٹ پر کام سے مطمئن نہیں ہیں۔انہوں نے کہا کہ یہ بات درست ہے کہ چینی کمپنیاں حکومتی محکموں اور ان کے کام کی رفتارسے مطمئن نہیں۔