کمزور اور طاقتور کیلئے الگ، الگ قانون ہونے سے قومیں تباہ ہوجاتی ہیں، عمران خان
آج تک ان ہی معاشروں اور ملکوں نے ترقی کی جہاں قانون اور انصاف کی حکمرانی ہے
نبی کریم ۖ نے لوگوںکی سیرت کو بہتر بنایا، ریاست مدینہ میں لوگوں کے اخلاقی معیار کو بلند کیا گیا
نبی کریم ۖ کے اسو حسنہ اور سیرت پر عمل کرنا ہی ترقی، خوشحالی اور فلاح کا راستہ ہے، وزیراعظم کا عالمی اسلامی اسکالرز سے مکالمہ
اسلام آباد( ویب نیوز)
وزیراعظم عمران خان نے کہا ہے کہ آج تک انہی معاشروں اور ملکوں نے ترقی کی جہاں قانون اور انصاف کی حکمرانی ہے، غریب اور امیر ، کمزور اور طاقتورپر قانون کایکساں اطلاق کرنے والے معاشرے ہی پھلتے پھولتے ہیں، نبی کریم ۖ کے اسو حسنہ اور سیرت پر عمل کرنا ہی ترقی، خوشحالی اور فلاح کا راستہ ہے۔ عالمی اسلامی اسکالرز سے مکالمہ کرتے ہوئے عمران خان نے کہا ہے کہ انصاف اور قانون کی حکمرانی سے ہی قومیں ترقی کرتی ہیں، ہم نبی ۖ کے پیروکار ہیں، نبی کریم ۖ نے لوگوں کے اخلاقی معیار کو بلند کیا، کئی قومیں تباہ ہوئیں کیونکہ کمزور اور طاقتور کے لیے الگ الگ قانون تھا، نبی کریمۖنے فرمایا کہ اگر میری بیٹی فاطمہ رضی اللہ عنہا بھی کوئی جرم کرے گی تو اس کو بھی قانون کے مطابق سزا ملے گی۔وزیر اعظم نے کہا کہ ہمارے نبی ۖ نے فرمایا کہ گزشتہ قومیں تباہ ہوئیں کیونکہ جب کوئی کمزور جرم کرتا تو اس کو سزا دی جاتی مگر جب کوئی امیر اور طاقتور شخص جرم کرتا تو اس کو معاف کردیا جاتا تھا، امیر اور غریب کے لیے، کمزور اور طاقتور کے لیے الگ الگ قانون ہونے سے قومیں تباہ ہوجاتی ہیں۔انہوں نے کہا کہ آج تک ان ہی معاشروں اور ملکوں نے ترقی کی جہاں قانون اور انصاف کی حکمرانی ہے اور جن ممالک نے غریب اور امیر، کمزور اور طاقتور پر قانون کا یکساں اطلاق کیا، صرف وہی معاشرے پھلتے پھولتے ہیں جہاں قانون کی حکمرانی ہو۔ا نہوں نے کہا کہ نبی کریم ۖ نے لوگوںکی سیرت کو بہتر بنایا، ریاست مدینہ میں لوگوں کے اخلاقی معیار کو بلند کیا گیا، تبھی ایک فلاحی معاشرہ تشکیل پایا۔عمران خان نے کہا کہ ہم نبی کریم ۖ کے پیروکار ہیں، ہمیں آپ ۖ کی سیرت کی پیروی کرنی چاہیے، انسانی معاشرہ سیرت النبی ۖ کی پیروی کرے گا تو ہی ترقی کرے گا، نبی کریم ۖ کے اسو حسنہ اور سیرت پر عمل کرنا ہی ترقی، خوشحالی اور فلاح کا راستہ ہے۔
