بنوں (ویب ڈیسک)
کائونٹرٹیرارزم ڈیپارٹمنٹ (سی ٹی ڈی) کی ہوید کے علاقے میں کارروائی کے دوران 5 دہشتگرد ہلاک ہوگئے۔سی ٹی ڈی بنوں کے مطابق تھانہ ہوید کے علاقہ زندی فلک شیر میں کارروائی کی گئی، دہشتگردوں کے قبضہ سے 3 عدد کلاشنکوف، 12عدد میگزینز،9 ایم ایم پستول اور بھاری مقدار میں کارتوس برآمد ہوئے جبکہ نقدی،موبائل فونز،ایک عدد آئی ای ڈی،70 موٹر سائیکلیں اور دیگر سامان بھی قبضے میں لیا گیا۔ہلاک ہونے والے دہشت گرد ٹارگٹ کلنگ،بم دھماکوں اور سکیورٹی فورسززپر حملوں میں مطلوب تھے۔
