Transparent umbrella under heavy rain against water drops splash background. Rainy weather concept.

اسلام آباد،کوئٹہ (ویب نیوز)

بلوچستان کے مشرقی اضلاع ہرنائی،کوہلو، دکی، بارکھان، موسی خیل اور سرحدی پہاڑی علاقوں میں پری مون سون بارشوں کے باعث سیلابی صورت حال پیدا ہوگئی ۔ہرنائی میں دو مقامات پر  رابطہ پل اور دیہی علاقوں میں سیلابی بند ریلوں میں بہہ گئے جبکہ متعدد گھر بھی سیلابی ریلے کی نذر ہو گئے۔حب، اوتھل، وندر اور بیلہ کے مختلف علاقوں میں بھی بارش ہوئی جس کے بعد گرمی کی شدت میں کمی آ گئی ۔ ادھر اسلام آباد، مری، تونسہ،گجرات اور حافظ آباد میں بھی ہلکی بارش ہوئی جبکہ تھرپارکر، دادو اور کاچھو کے علاقوں میں بھی بارش ہوئی۔ ناران میں بارش سے موسم سرد ہو گیا اور  آزاد کشمیر کے مختلف علاقوں میں بھی بارش ہوئی۔محکمہ موسمیات نے  پنجاب کے میدانی علاقوں اور  بالائی سندھ میں گرد آلود ہوائیں چلنے کا امکان ظاہر کیا ہے جبکہ بالائی خیبرپختونخوا، گلگت بلتستان اور کشمیر میں بارش کے علاوہ کراچی میں آج (منگل ) کو صبح ورات میں بوندا باندی کا امکان ہے۔