-, -: (FILES): This 06 January 2006 video image from footage broadcast by the Qatari news channel al-Jazeera television shows al-Qaeda number two Ayman al-Zawahiri giving a speech at un undisclosed location. According to Pakistani military sources 13 January 2006, US aircraft attacked a compound known to be frequented by high level al Qaeda operatives. Pakistani officials said that al Qaeda leader Dr. Ayman al-Zawahiri, Osama bin Laden's top lieutenant, may have been among them. AFP PHOTO/DSK (Photo credit should read -/AFP/Getty Images)

ایمن الظواہری کی افغانستان میں ہلاکت کے بعد اس پر بحث مناسب نہیں،ترجمان پاک فوج

واقعے پر دفتر خارجہ نے وضاحت دیدی ہے،ہیلی کاپٹر حادثہ  پربے حسی کے رویے کی ہرسطح پر مذمت کرنی چاہیے،میجر جنرل بابر افتخار

اسلام آباد(ویب  نیوز)

ترجمان پاک فوج میجر جنرل بابر افتخار نے کہا ہے کہ القاعدہ کے سربراہ ایمن الظواہری کی افغانستان میں ہلاکت کے بعد اس پر بحث مناسب نہیں، واقعے پر دفتر خارجہ نے وضاحت دیدی ہے۔نجی ٹی وی سے گفتگو کرتے ہوئے پاک فوج کے شعبہ تعلقات عامہ(آئی ایس پی آر)کے ڈائریکٹر جنرل (ڈی جی)میجر جنرل بابر افتخار نے کہا کہ افغانستان میں امریکی ڈرون حملے کے دوران القاعدہ کے سربراہ ایمن الظواہری کے واقعے پر دفتر خارجہ نے وضاحت دیدی ہے، اس کے بعد بار بار اس موضوع پر بحث مناسب نہیں ہے۔ایک سوال کے جواب میں انہوں نے کہا کہ لسبیلہ میں یکم اگست کو ہیلی کاپٹر کا افسوس ناک حادثہ ہوا، ہیلی کاپٹر ریلیف کی کارروائیوں میں مصروف تھا، ہیلی کاپٹر حادثے کے بعد سوشل میڈیا پر منفی پروپیگنڈا شروع کردیا گیا۔اپنی بات کو جاری رکھتے ہوئے ترجمان پاک فوج نے کہا کہ منفی پروپیگنڈے سے شہدا کی فیملی، افواج پاکستان اور پوری قوم کی دل آزاری ہوئی، بے حسی کے رویے کی ہرسطح پر مذمت کرنی چاہیے۔ سوشل میڈیا پرقیاس آرائیوں سے اجتناب کرنا چاہیے، بے حسی کا رویہ ناقابل قبول ہے، ایسے عناصرکومسترد کرنے کی ضرورت ہے۔ قوم شہدا کے ساتھ کھڑی ہے۔