وفاقی وزیرِ توانائی خرم دستگیر کا بھی اس ضمن میں جلد ایران روانہ ہونے کا امکان ہے، ذرائع پاور ڈویژن

اسلام آباد/ تہران (ویب نیوز)

ایران سے 100 میگا واٹ اضافی بجلی خریدنے کے لیے پاکستانی وفد 3روز کے دورے پر تہران پہنچ گیا۔ پاور ڈویژن کے ذرائع کے مطابق ایران جانے والے وفد میں پاور ڈویژن اور سینٹرل پاور پرچیزنگ ایجنسی کے اعلی حکام شامل ہیں۔ ذرائع نے بتایا ہے کہ وفاقی وزیرِ توانائی خرم دستگیر کا بھی اس ضمن میں جلد ایران روانہ ہونے کا امکان ہے۔ ذرائع نے بتایا ہے کہ ایران کے ساتھ بجلی کی سپلائی سے متعلق معاہدے پر دستخط ہوں گے۔ ذرائع نے مزید بتایا ہے کہ ایران سے مکران ڈویژن کے لیے اضافی 100 میگا واٹ بجلی لینے کے لیے ٹرانسمشن لائن مکمل ہو چکی ہے۔ذرائع کا یہ بھی کہنا ہے کہ ایران سے اس اضافی 100 میگا واٹ بجلی کے حصول کا مقصد گوادر کو زیادہ سے زیادہ بجلی فراہم کرنا ہے۔