بلوچستان میں سابق وزراء اور ریٹائرڈ افسران سرکاری گاڑیوں پر قابض ڈھائی ہزار کے قریب گاڑیاں اعلی افسران کے پاس ، محکمہ نظم و نسق کی انتظا میہ کا واپسی میں ناکامی کا اعتراف ، ہاتھ کھڑے کردئیے

• بلوچستان اسمبلی میں 4ماہ قبل سیکڑوں ریٹائرڈ بیورو کریٹس اور سابق وزرا ء کے زیر استعمال سرکاری گاڑیوں کا انکشاف ہوا تھا

کوئٹہ (ویب نیوز)

بلوچستان حکومت کے سیکڑوں ریٹائرڈ بیورو کریٹس اور سابق وزرا ء سرکاری گاڑیوں پر قبضہ کر لیااور وہ واپس کرنے پر راضی نہیں۔بلوچستان اسمبلی میں 4 ماہ قبل سیکڑوں ریٹائرڈ بیورو کریٹس اور سابق وزرا ء کے زیر استعمال سرکاری گاڑیوں کا انکشاف ہوا تھا اور بتایا گیا تھا کہ ڈھائی ہزار کے قریب گاڑیاں اعلی افسران کے پاس ہیں۔حکومت نے گاڑیاں برآمد کرانے کی کوشش کی لیکن ناکام ہوگئی جب کہ محکمہ نظم و نسق کی انتظا میہ نے گاڑیوں کی واپسی میں ناکامی کا اعتراف کرتے ہوئے ہاتھ کھڑے کردئیے۔