اسلام آباد (ویب نیوز)
ملک بھرمیں بجلی کا شارٹ فال 6 ہزار 705میگا واٹ تک پہنچ گیا ۔ ترجمان پاورڈویژن نے کہا کہ بجلی کی مجموعی پیداوار 20 ہزاز 795 میگا واٹ ہے، ملک بھرمیں بجلی کی طلب 27 ہزار500 میگاواٹ ہے،پن بجلی کی پیداوار7 ہزار349 میگاواٹ ہے، ترجمان نے مزید بتایا کہ سرکاری تھرمل پاور پلانٹس 639 میگاواٹ بجلی پیدا کر رہے ہیں ،نجی شعبے کے بجلی گھروں کی پیداوار 9048 میگاواٹ ہے، ونڈ پاورپلانٹس سے 534 میگاواٹ، سولربجلی گھروں سے پیداوار123میگاواٹ ہے۔ بگاس سے 115 میگا واٹ بجلی پیدا کی جا رہی ہے۔نیوکلیئر پاور پلانٹس کی پیداوار 2 ہزار 988 میگاواٹ ہے، ملک بھر میں 14 گھنٹے تک لوڈ شیڈنگ کی جا رہی ہے،بعض علاقوں میں فنی خرابیوں کے باعث غیر اعلانیہ لوڈ شیڈنگ ہو رہی ہے، ہائی لاسز،بجلی چوری کے علاقوں میں سب سے زیادہ لوڈ شیڈنگ کی جا رہی ہے۔
