سینیٹ میں ڈپٹی چیئر مین کی سیٹ حکومتی اتحاد کے محمد مرزا آفریدی نے جیت لی۔

اسلام آباد: (ویب  نیوز) سینیٹ میں ڈپٹی چیئر مین کی سیٹ حکومتی اتحاد کے محمد مرزا آفریدی نے جیت لی۔

ڈپٹی چیئر مین سینیٹ الیکشن کے دوران 98 ووٹوں میں سے کوئی بھی ووٹ مسترد نہیں ہوا۔ فاتح امیدوار نے 54 ووٹ حاصل کیے ، ہارنے والے امیدوار نے 44 ووٹ حاصل کیے۔

یاد رہے کہ چند روز قبل وفاقی وزیر دفاع پرویز خٹک نے جمعیت علمائے اسلام کے رہنما مولانا عبد الغفور کو آفر دی تھی کہ ڈپٹی چیئر مین سینیٹ کی سیٹ آپ کو دینے کے لیے تیار ہیں۔ بعد میں مولانا عبد الغفور حیدر کی آفر کو مسترد کر دیا تھا۔

محمد مرزا آفریدی کون ہیں؟

واضح رہے کہ پاکستان تحریک انصاف (پی ٹی آئی) اور ان کے اتحادیوں کی جانب سے ڈپٹی چیئرمین سینیٹ کے لیے نامزد امیدوار سینیٹر مرزا محمد آفریدی کا تعلق ضلع خیبر سے ہے۔

وزیراعظم عمران خان نے خیبر پختونخوا کے قبائلی ضلع خیبر کی تحصیل باڑہ کے قبیلہ سپاہ سے تعلق رکھنے والے سینیٹر مرزا محمد آفریدی کو ڈپٹی چیئرمین سینیٹ کے لیے نامزد کیا۔ مرزا محمد آفریدی آزاد حیثیت سے مارچ 2018 میں سینیٹر منتخب ہوئے اور وہ مارچ 2024 میں ریٹائر ہوں گے۔ سینیٹر مرزا محمد آفریدی نے اسلام آباد سمیت مغربی ممالک سے اعلیٰ تعلیم حاصل کر رکھی ہے۔

مرزا محمد آفریدی پشاور زلمی کے مالک جاوید افریدی اور سینٹر ایوب آفریدی کے کزن ہیں اور ان کا تعلق ارب پتی خاندان سے ہے جن کا بیرون ملک بھی کاروبار ہے۔ سینیٹر مرزا آفریدی کے چچا محمد شاہ آفریدی بے نظیر بھٹو کے دوسرے دور حکومت میں قبائلی ضلع خیبر سے رکن قومی اسمبلی منتخب ہوئے تھے۔