پاکستان میں قانون کی حکمرانی کو شدید خطرہ لاحق ہے، اقوام متحدہ پاکستانی حکومت کا شہریوں پر مقدمہ چلانے کے لیے فوجی عدالتوں کا استعمال کرنے کا ارادہ تشویش ناک ہے

• پاکستان میں قانون کی حکمرانی کو شدید خطرہ لاحق ہے، اقوام متحدہ
• پاکستانی حکومت کا شہریوں پر مقدمہ چلانے کے لیے فوجی عدالتوں کا استعمال کرنے کا ارادہ تشویش ناک ہے
• محفوظ اور خوشحال پاکستان کا واحد راستہ انسانی حقوق، جمہوری عمل، قانون کی حکمرانی کے احترام کے ساتھ ہموار ہوگا
• یو این ہائی کمشنر برائے انسانی حقوق وولکر ترک کی جینیوا میں پریس کانفرنس

جینیوا (ویب نیوز)

 اقوام متحدہ کے ہائی کمشنر برائے انسانی حقوق وولکر ترک نے کہاہے کہ پاکستان کی موجودہ صورتحال گہری تشویش کا اظہار کرتے ہوئے کہا ہے کہ پاکستان میں قانون کی حکمرانی کو شدید خطرہ لاحق ہے۔جینیوا میں پریس کانفرنس کرتے ہوئے اقوام متحدہ کے ہائی کمشنر برائے انسانی حقوق وولکر ترک کا کہنا تھا کہ پاکستان میں تشددکے واقعات میں اضافے اور بڑے پیمانے پر گرفتاریوں کی خبریں پریشان کن ہیں۔انہوں نے کہا کہ پاکستانی حکومت کا شہریوں پر مقدمہ چلانے کے لیے فوجی عدالتوں کا استعمال کرنے کا ارادہ تشویش ناک ہے ، یہ بین الاقوامی انسانی حقوق کے قانون کی ذمہ داریوں کی سنگین خلاف ورزی ہے۔وولکر ترک نے مزید کہا کہ سابق وزیر اعظم عمران خان کا دعوی ہے کہ پاکستان کو مکمل لا قانونیت میں دھکیل دیا گیا ہے ۔ ان کا کہنا تھا کہ محفوظ اور خوشحال پاکستان کا واحد راستہ انسانی حقوق، جمہوری عمل، قانون کی حکمرانی کے احترام کے ساتھ ہموار ہوگا۔