امریکا اور اسرائیل سے ثالثی کی کوششیں ہو رہی ہیں، ایرانی صدر تہران کے ساتھ کوئی معاہدہ نہیں ہوگا، خامنہ ای کا بیٹا مجتبیٰ خامنہ ای ناقابل قبول ہے۔ ڈونلڈ ٹرمپ

امریکا اور اسرائیل سے ثالثی کی کوششیں ہو رہی ہیں، ایرانی صدر کی تصدیق

واضح رہے کہ ایرانی وزیر خارجہ عباس عراقچی کا کہنا تھا کہ ہم جنگ بندی کا مطالبہ نہیں زمینی کارروائی کا انتظار کر رہے ہیں، اگر ایران پر زمینی کارروائی ہوئی تو یہ امریکی فوج کیلئے تباہ کن ہو سکتی ہے۔

عباس عراقچی کا کہنا تھا کہ آبنائے ہرمز بند نہیں کی، بحری جہاز خود گزرنے سے گریز کر رہے ہیں، جنگ جاری رہی تو ہر آپشن پر غور کریں گے، ایران نے امریکا کے ساتھ کوئی رابطہ رکھا نہ مذاکراتی چینلز کھولے۔

انہوں نے مزید کہا تھا کہ گزشتہ ہفتے سے سٹیووٹکوف یا جیرڈ کشنر سے کوئی رابطہ نہیں ہوا۔

امریکی صدر ڈونلڈ ٹرمپ کہتے ہیں کہ تہران کے ساتھ کوئی معاہدہ نہیں ہوگا، قابل قبول رہنما کا انتخاب ہونے کے بعد امریکا اور اتحادی ایران کی ہر ممکن مدد کریں گے، خامنہ ای کا بیٹا مجتبیٰ خامنہ ای ناقابل قبول ہے۔

واضح رہے کہ صدر ٹرمپ نے ایران میں زمینی فوج اتارنے کا امکان بھی مسترد کردیا ہے، امریکی میڈیا کو انٹرویو میں کہا کہ امریکی زمینی فوج بھیجنا وقت کا ضیاع ہوگا، ایران نے بحریہ سمیت سب کچھ کھو دیا، ایران میں اینٹی ایئر کرافٹ سسٹم بھی تباہ کردیا۔

ان کا کہنا تھا کہ ایران کی میزائل اور دفاعی صلاحیت ختم کردیں گے، ایران نے ڈیل کیلئے کال کی، ہم نے کہا بہت دیر ہوگئی، ایران کے بعد اگلا ہدف کیوبا ہوگا۔