دنیا بھر میں  ہلاکتیں 1لاکھ 19 ہزار ،متاثرین کی تعداد  19 لاکھ 25 ہزار ہو گئی

نیویارک(صباح نیوز)

کورونا سے دنیا بھر میں تباہی مچ گئی، مرنے والوں کی تعداد  1 لاکھ 19 ہزار 699 ہو گئی، 19 لاکھ 25 ہزار 151 افراد متاثر ہیں۔  غیرملکی خبررساں ادارے کے مطابق مریکہ میں کورونا سے ہلاکتوں کا سلسلہ جاری ہے اور جان لیوا وائرس سے مزید  پندرہ سو سے زائد افراد جان کی بازی ہار چکے ہیں۔ امریکہ میں کورونا سے ہلاکتوں کی کل تعداد 23 ہزار600 سے بڑھ گئی ،امریکہ میں کورونا کے مریضوں کی تعداد پانچ لاکھ چھیاسی ہزارسے زیادہ ہے جب کہ چھتیس ہزار سے زائد افراد اب تک صحت یاب ہو چکے ہیں۔اٹلی میں کورونا سے ہلاکتوں کی تعداد 20 ہزار 465 ہو گئی۔ سپین میںعالمی وبا سے 17 ہزار 756 افراد ہلاک ہو چکے ہیں۔فرانس میں کورونا سے 14ہزار967، جرمنی میں 3194، برطانیہ میں 11329 افراد ہلاک ہو گئے۔ فرانس کے صدر نے ملک میں جاری لاک ڈائون کو 11 مئی تک بڑھانے کا اعلان کر دیا ہے۔روس میں 148 افراد ہلاک اور 18328 افراد کورونا سے متاثر ہیں۔ جنوبی کوریا میں کورونا سے صحت یاب ایک سو سولہ افراد میں کورونا وائرس کی دوبارہ تشخیص ہوئی ہے۔ڈاکٹرز تمام افراد میں  بیماری کی دوبارہ تشخیص کی وجوہات سمجھنے کی کوشش کر رہے ہیں۔  روسی صدر نے وباکے باعث حالات خراب ہونیکی وجہ سے فوج کی مدد طلب کر لی۔کورونا سے دنیا بھر میں اب تک چار لاکھ 45 ہزار سترہ افراد صحتیاب ہو کر گھروں کو جا چکے ہیں ۔عالمی وبا سے پوری دنیا خطرے میں ۔، عالمی ادارہ صحت کے مطابق صرف ویکسین ہی وائرس کے عالمی پھیلا ئوکو روک سکتی ہے ،عالمی ادارہ صحت نے کورونا کو سوائن فلو سے دس گنازیادہ مہلک قرار دے دیا۔ ڈاکٹر ٹیڈروس ایڈنوم  نے کہا کہ کورونا وائرس کے خلاف ایک موثر  ویکسین ہی دنیا بھر میں اس بیماری کی منتقلی کو مکمل طور پر روک سکتی ہے۔عالمی رابطے سے کورونا کے بار بار سامنے آنے کا خطرہ جاری رہے گا۔

Editor

Next Post

کورونا مزید 11 زندگیاں نگل گیا، اموات 107، متاثرہ افراد کی تعداد 5988 ہوگئی

بدھ اپریل 15 , 2020
اسلام آباد:  ملک بھر میں کورونا کے تصدیق شدہ کیسز کی تعداد 5 ہزار 988 تک پہنچ گئی جبکہ مزید 11 افراد جاں بحق ہوگئے جس کے بعد اموات کی تعداد 107 ہوگئی۔ نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 272 […]