یوٹیلٹی اسٹورز پر ڈھائی ارب کے رمضان پیکیج کا آغاز کر دیا،حماد اظہر

اسلام آباد(صباح نیوز)

وفاقی وزیر برائے صنعت و پیداوار حماد اظہر   نے کہا ہے  کہ یوٹیلٹی اسٹورز پر ڈھائی ارب روپے کے رمضان ریلیف پیکیج کا آغاز کر دیا ،حکومت پاکستان نے یوٹیلٹی اسٹورکو 50 ارب دیئے،تخمینہ ہے رمضان میں 80 لاکھ سے ایک کروڑ گھرانے یوٹیلیٹی اسٹورز سے مستفید ہوں گے ۔  انہوں نے جی نائن مرکز اسلام آباد میں یوٹیلٹی اسٹور پر رمضان پیکج کی افتتاحی تقریب کے موقع پر میڈیا سے گفتگو کرتے ہوئے کہا  کہ حکومت پاکستان نے یوٹیلٹی اسٹورکو 50 ارب دیئے ہیں، پہلے 5 اشیا پرسبسڈی دی جا رہی تھی اور اب 19 اشیا پر ریلیف دیا جا رہا ہے۔انہوں نے کہا کہ ہم بڑی تعداد میں یوٹیلٹی اسٹورز کو بڑھا رہے ہیں، موبائل یوٹیلٹی اسٹورزبھی قائم کر رہے ہیں، ڈھائی ارب روپے کے رمضان ریلیف پیکیج کا اعلان کر دیا   لیکن ریلیف پیکیج صرف رمضان تک محدود نہیں رہے گا۔ان کا کہنا ہے کہ یوٹیلٹی اسٹورز ایک آٹو میٹک ڈیجیٹل ادارہ بننے جا رہا ہے اور اس ادارے میں بھی اصلاح کی ضرورت ہے۔ انہوں  نے کہا کہ تخمینہ ہے رمضان میں 80 لاکھ سے ایک کروڑ گھرانے یوٹیلیٹی اسٹورز سے مستفید ہوں گے جب کہ قیمتوں پر کنٹرول کرنے کا نظام موجود ہے، ذخیرہ اندوزوں کے خلاف نیا قانون لا رہے ہیں جس کے تحت ذخیرہ اندوزی پر دکان کے مالک کو سزا ملے گی۔لاک ڈائون میں نرمی کے حوالے سے بات کرتے ہوئے حماد اظہر نے کہا کہ جو جو سیکٹرز کھولے جا رہے ہیں وہ باقاعدہ تحقیق کے ساتھ کھول رہے ہیں، ہم کوشش کر رہے ہیں کہ کاروباری طبقے کے حالات بھی بہتر کرسکیں۔حماد اظہر نے کہا کہ کھانے پینے کی اشیا کی ترسیل پرکوئی پابندی نہیں ہے لیکن لاک ڈائون کے دوران ہمیں نظم و ضبط کا مظاہرہ کرنے کی ضرورت ہے۔

Editor

Next Post

بازار حصص میں تیزی، 100 انڈیکس میں 6 فیصد تک اضافہ33ہزار کی نفسیاتی حد بھی عبور

جمعہ اپریل 17 , 2020
کراچی(صباح نیوز) اسٹیٹ بینک آف پاکستان کی جانب سے شرح سود میں دو فیصد کمی اور آئی ایم ایف کی جانب سے پاکستان کیلئے 1 ارب 38 کروڑ 60 لاکھ ڈالر قرض کی منظوری کے بعد پاکستان اسٹاک ایکسچینج میں زبردست تیزی رہی، جس کے باعث ٹریڈنگ معطل کرنی پڑی۔ […]