رمضان المبارک میں اجتماعی عبادات نہ ہونے پر افسوس ہے:شاہ سلمان

ریاض(صباح نیوز)

سعودی فرماں روا شاہ سلمان نے کہا ہے کہ ان حالات میں رمضان المبارک کی آمد باعث تکلیف اور اجتماعی عبادات نہ ہونے پر افسوس ہے۔رمضان المبارک کی آمد پر جاری بیان میں سعودی فرماں روا شاہ سلمان نے سعودی شہریوں اور دنیا بھر کے مسلمانوں کو رمضان کی مبارکباد دی۔اپنے بیان میں شاہ سلمان نے کورونا وائرس کی وجہ سے پیدا ہونے والی مشکل صورتحال پر قابو پانے کے لیے سخت محنت پر زور دیا۔سعودی فرماں روا نے کورونا وائرس کی وجہ سے رمضان المبارک میں عبادات میں پیش آنے والی مشکلات پر بھی افسوس کا اظہار کیا۔ان کا کہنا تھا کہ ان حالات میں رمضان المبارک کی آمد باعث تکلیف ہے، ان حالات نے ہمیں اجتماعی عبادات، نمازوں، تراویح اور خدا کے گھر میں قیام اللیل سے روک دیا ہے۔سعودی فرماں روا نے مزید کہا کہ تمام حفاظتی اقدامات انسانی جانوں کو بچانے اور وائرس میں مبتلا ہونے سے روکنے کے لیے اٹھائے گئے ہیں، اس سال رمضان المبارک ایک ایسے وقت میں آئے ہیں جب ہم ان حالات میں رہ رہے ہیں کہ دنیا بھر کی انسانیت بہت شدید متاثر ہے اور وائرس کی وجہ سے ہم دنیا کی تاریخ کے ایک مشکل اور حساس دور سے گزررہے ہیں۔واضح رہے کہ سعودی عرب میں کورونا کے کیسز کی تعداد تقریبا 14 ہزار ہے اور ہلاکتیں 120 سے زائد ہیں۔ ملک میں وائرس کا پھیلا روکنے کے لیے باجماعت نمازوں پر پابندی عائد ہے جب کہ تراویح کوبھی 10 رکعت تک محدود کیا گیا ہے

Editor

Next Post

وفاقی حکومت کا سمارٹ لاک ڈاؤن میں 9مئی تک توسیع کا فیصلہ

جمعہ اپریل 24 , 2020
اسلام آباد(صباح نیوز) وفاقی حکومت نے سمارٹ لاک ڈاؤن میں مزید دو ہفتے(9مئی )تک توسیع کا فیصلہ کیا ہے۔ وزیراعظم عمران خان کی زیرصدارت قومی رابطہ کمیٹی کا اجلاس ہوا، جس میں وفاقی اور صوبائی وزرا نے شرکت کی، اجلاس میں لاک ڈاؤن میں توسیع سے متعلق تجاویز پر غور […]