این ڈی ایم اے کی جانب سے ملک بھر میں تقسیم کیے گئے حفاظتی سامان کی تفصیلات جاری کردی

اسلام آباد(صباح نیوز)

این ڈی ایم اے کی جانب سے جاری تفصیلات کے مطابق تمام صوبوں کو بھجوائے گئے حفاظتی سامان میں 1 لاکھ 53 ہزار 565 این 95 ماسک اور 38 لاکھ 91ہزار 588 فیس ماسک شامل ہیں۔تفصیل کے مطابق نیشنل ڈیزاسٹر مینجمنٹ اتھارٹی نے ملک بھر کے ہسپتالوں اور ہیلتھ ورکرز کیلئے تقسیم کیے گئے حفاظتی سامان کی تفصیلات جاری کر دی ہیں۔چاروں صوبوں سمیت اسلام آباد، گلگت بلتستان اور آزاد کشمیر کے ہسپتالوں وہیلتھ ورکرز میں تقسیم کے لیے این ڈی ایم اے نے چار مرحلوں میں حفاظتی سامان ارسال کیا۔این ڈی ایم اے کے ترجمان کے مطابق تمام صوبوں کو بھجوائے گئے حفاظتی سامان میں 1 لاکھ 53 ہزار 565 این۔95 ماسک اور 38 لاکھ 91ہزار 588 فیس ماسک شامل ہیں۔حفاظتی سامان میں 9 لاکھ 55 ہزار 417 حفاظتی سوٹ، 1 لاکھ 44 ہزار 467 گانز، 10 لاکھ 33 ہزار 643 دستانے، 3 لاکھ 46 ہزار 896 سرجیکل کیپس اور 36 ہزار 520 فیس شیلڈ شامل ہیں۔حفاظتی سامان میں 2 لاکھ 11 ہزار 244 شوز کور اور 97 ہزار 982 عینکیں بھی تقسیم کی گئی ہیں۔ ترجمان کے مطابق صوبوں کو دیئے گئے تمام سامان کی علیحدہ علیحدہ تفصیل این ڈی ایم اے کی ویب سائٹ پر موجود ہے۔ترجمان نے مزید کہا کہ حفاظتی سامان کی پانچویں کھیپ اگلے چند روز میں روانہ کر دی جائے گی۔ تمام صوبوں کو ٹیسٹنگ کٹس وافر تعداد میں ارسال کی جا چکی ہیں۔

Editor

Next Post

ملک میں کورونا وائرس سے 22 افراد جاں بحق ہوگئے، ہلاکتوں کی مجموعی تعداد 457 ہو گئی

اتوار مئی 3 , 2020
اسلام آباد(صباح نیوز) پاکستان میں کروناکے متاثرین تیزی سے بڑھنے لگے ملک میں کورونا وائرس سے 22 افراد جاں بحق ہوگئے، پاکستان میں کورونا متاثرین کی تعداد 20  ہزار سے زائد، اموات 457 تک پہنچ گئیں،خیبر پختون خواسب سے زیادہ متاثر،کشمیرمیں کوئی ہلاکت نہیں، خیبرپختونخوا180 ،سندھ130،پنجاب121،بلوچستان 16،اسلام آباد 04 اورگلگت […]