ملک میں کورونا سے مزید 28افراد جاں بحق، تعداد 514ہوگئی،611نئے کیسز رپورٹ

اسلام آباد(صباح نیوز)

ملک میں  منگل کوکورونا وائرس  نے مزید 28افراد کی جان لے لی جس کے بعد جاں بحق ہونے والوں  کی تعداد 514ہوگئی جبکہ مزید 611کیسز رپورٹ ہوئے ہیں ،نئے کیسز سامنے آنے سے مصدقہ مریضوں کی تعداد 22063تک جاپہنچی ہے۔اب تک سب سے زیادہ اموات خیبرپختونخوا میں سامنے آئی ہیں جہاں کورونا سے 194افراد انتقال کرچکے ہیں جبکہ سندھ میں 148اور پنجاب میں 144افراد جاں بحق ہوچکے ہیں۔اس کے علاوہ بلوچستان میں 21، اسلام آباد 4اور گلگت بلتستان میں 3افراد مہلک وائرس کے باعث جاں بحق ہو چکے ہیں۔نیشنل کمانڈ اینڈ آپریشن سینٹر کے مطابق کل 222,404 ٹیسٹ ہوئے، جبکہ 5782  مریض صحتیاب  ہوگئے۔سندھ سے کورونا وائرس کے مزید 307 کیسز رپورٹ ہوئے ہیں اور 11 ہلاکتیں بھی سامنے آئی ہیں جس کی تصدیق وزیراعلی سندھ مراد علی شاہ نے کی۔مراد علی شاہ نے بتایا کہ ہم نے 24 گھنٹوں میں 2250 ٹیسٹ کیے جس میں 307 نئے کیسز سامنے آئے  اور 11 ہلاکتیں بھی ہوئیں جس کے بعد صوبے میں کورونا کے مجموعی کیسز کی تعداد 8189 اور ہلاکتیں 148 ہوگئی ہیں۔وزیراعلی کے مطابق  مزید 42 افراد صحتیاب ہوکر گھروں کو چلے گئے جس کے بعد صحت یاب ہونے والوں کی تعداد 1674 ہوگئی ہے۔پنجاب میں اب تک کورونا کے مزید 30 کیسز رپورٹ ہوئے ہیں اور 8ہلاکتیں بھی سامنے آئی ہیں جس کی تصدیق ترجمان پرائمری اینڈ سیکنڈری ہیلتھ کیئرنے کی۔ترجمان کے مطابق صوبے میں کورونا کے کیسز کی مجموعی تعداد 8133 اور ہلاکتیں 144 تک جا پہنچی ہیں۔ترجمان نے بتایا کہ 768 زائرین، 1926 رائے ونڈ سے منسلک افراد، 86 قیدی اور 5357 عام شہری کورونا وائرس میں مبتلا ہیں۔پنجاب میں کورونا سے اب تک 2716 افراد صحت یاب بھی ہوچکے ہیں۔وفاقی دارالحکومت اسلام آبادمیں کورونا وائرس کے مزید 49 کیسز سامنے آئے ہیں جو سرکاری پورٹل پر رپورٹ کیے گئے ہیں۔سرکاری پورٹل کے مطابق نئے کیسز سامنے آنے کے بعد اسلام آباد میں کیسز کی مجموعی تعداد 464 ہوگئی ہے جبکہ شہر میں وائرس سے اب تک 4 افراد جاں بحق ہو چکے ہیں۔خیبر پختونخوا میں  کورونا سے مزید 9افراد جاں بحق ہوئے جس کے بعد صوبے میں ہلاکتوں کی تعداد 194 تک جاپہنچی ہے۔ محکمہ صحت کے مطابق صوبے میں مزید 211 افراد میں مہلک وائرس کی تشخیص ہوئی جس کے بعد متاثرہ افراد کی مجموعی تعداد 3499 ہوگئی ہے۔محکمہ صحت نے بتایاکہ صوبے میں اب تک کورونا سے 875 افراد صحت یاب ہوچکے ہیں۔گلگت بلتستان میں مزید 14کیسز کی تصدیق ہوئی جس کے بعد متاثرہ مریضوں کی مجموعی تعداد 386تک پہنچ گئی۔محکمہ صحت کے مطابق کورونا وائرس سے 3افراد کا انتقال ہوا ہے جبکہ اب تک 282افراد صحت یاب ہو چکے ہیں۔

Editor

Next Post

قومی اقلیتی کمیشن کسی قادیانی کو ممبر نہیں بنایا گیا

منگل مئی 5 , 2020
اسلام آباد (صباح نیوز) وزارت مذہبی امور کے مطابق  وفاقی کابینہ نے قومی اقلیتی کمیشن کے لئے  وزارت مذہبی امور کی سمری کو منظور کیا ہے۔ چیلا رام کیولانی کو چیئرمین بنا دیا گیا ہے،مینارٹی کمیشن کے چیئرمین کا تعلق سندھ ہندو کمیونٹی سے ہے،  مفتی گلزار نعیمی اور مولانا […]