نواز شریف کی ایک جھلک سے مخالفین کے اوسان خطا ہوجاتے ہیں، مریم نواز

لاہور(صباح نیوز)

مسلم لیگ (ن)کی رہنماء  مریم نواز نے کہا ہے کہ نواز شریف کی ایک جھلک سے ان کے مخالفین کے اوسان خطا ہو جاتے ہیں۔نوازشریف کی لندن کے ہوٹل میں بیٹھے ہوئے وائرل ہونے والی تصویر پر ہونے والی تنقید پر ردعمل کا اظہار کرتے ہوئے مریم نواز نے  اپنے ٹویٹ میںکہا ہے کہ نواز شریف کے مخالفین کا ہر حربہ ہمیشہ کی طرح الٹا ہو گیا، تصویر کا مقصد تشہیر نہیں تذلیل تھا جو کہ ہر بار کی طرح ناکام ہوا۔مریم نوازکا کہنا تھا کہ نواز شریف کی ایک جھلک سے ان کے مخالفین کے اوسان خطا ہو جاتے ہیں جب کہ اس تصویر سے سابق وزیراعظم کے چاہنے والے خوش ہوئے اور ان کو حوصلہ ملا ہے، مخالفین کو سمجھ آ جانی چاہیے کہ ایسی حرکتوں سے یہ لوگ صرف اپنا مزید نقصان اور نوازشریف کو انجانے میں فائدہ پہنچاتے ہیں، نواز شریف کا خوف نا ان کو جینے دیتا ہے نا چین سے حکومت کرنے دیتا ہے، یہی ان کی سزا ہے۔ انہوں نے کہا کہ ان لوگوں نے  میاں صاحب کو مارنے کی پوری کوشش کی لیکن اللہ نے بچا لیا، یہ لوگ زبردستی آئی سی یو میں گھس کر میری بیہوش ماں کی تصاویر بنانے کی کوشش کر سکتے ہیں تو ان کے لیے نوازشریف کی اپنے گھر کی خواتین اور بچیوں کے ساتھ چھپ کر تصویر بنانا کیا مشکل ہے؟ اگر یہ اتنا ہی نیک کام تھا تو بزدلوں کی طرح چھپ کر کیوں کی،واضح رہے کہ علاج کے سلسلے میں عدالت سے ضمانت پر بیرون ملک جانے والے سابق وزیراعظم نوازشریف کی ایک اور تصویر سوشل میڈیا پر وائرل ہوئی ہے جس میں وہ لندن میں سڑک کنارے ایک ہوٹل میں اہلخانہ کے ساتھ موجود چائے یا کافی پی رہے ہیں۔نوازشریف کی تصویر وائرل ہونے کے بعد وزیراعظم عمران خان کے ترجمان شہباز گل نے بھی ٹوئٹر پر ان کی تصویر کے ہمراہ ایک پوسٹ کی جس میں مسلم لیگ(ن)کے قائدین کو تنقید کا نشانہ بنایا۔وفاقی وزیر سائنس اینڈ ٹیکنالوجی فواد چوہدری نے بھی اس تصویر کے وائرل ہونے کیبعد ملک میں نظام عدل اور انصاف پر سوالیہ نشان اٹھائے۔

Editor

Next Post

ملک  بھر میں کورونا سے مزید 88اموات،کل تعداد 1483ہو گئی ،مصدقہ کیسز 69496ہو گئے

اتوار مئی 31 , 2020
اسلام آباد (صباح نیوز) پاکستان میں کورونا وائرس سے  گذشتہ 24 گھنٹوں میں ریکارڈ 88 اموات کے بعد ہلاکتوں کی مجموعی تعداد1ہزار 483 تک جاپہنچی ہے۔جبکہ ملک بھر میںکوروناوائرس کے  522مریضوں کی حالت تشویشناک ہے ۔ جبکہ 3039 نئے کیسز رپورٹ ہونے کے بعد کورونا کے مریضوں کی تعداد69 ہزار496ہوگئی […]