ای او بی آئی پنشنرز کیلئے عید سے قبل خوشخبری

ای او بی آئی پنشنرز کیلئے عید سے قبل خوشخبری

عید سے پہلے پنشن اور 3 ماہ کے واجبات کی مد میں 14 ہزار 500 روپے ادا کیے جائیں گے

اسلام آباد(صباح نیوز)ایمپلائز اولڈ ایج بینیفٹس انسٹی ٹیوشن (ای او بی آئی)پنشنرز کیلئے خوشخبری ہے کہ انہیں عید سے پہلے پنشن اور 3 ماہ کے واجبات کی مد میں 14 ہزار 500 روپے ادا کیے جائیں گے۔چیئرمین ای او بی آئی اظہر حمید کی قیادت میں ادارہ پنشنرز کی سہولیات بھی بڑھا رہا ہے۔  ایک نجی ٹی وی سے بات کرتے ہوئے اظہر حمید نے بتایا کہ پنشنرز کیلئے خوشخبری ہے کہ انہیں عید سے پہلے ایک پنشن اور واجبات ادا ہوں گے۔انہوں نے بتایا کہ عید سے پہلے 8500 پنشن اور 6000 روپے واجبات کی مد میں ادا کیے جائیں گے۔چیئرمین ای او بی آئی نے مزید کہا کہ یکم ستمبر سے ای او بی آئی پنشنرز  یوٹیلٹی اسٹور سے 10 فیصد رعایت پر آٹا، چینی، چاول ، گھی اور دالیں خرید سکیں گے۔اظہر حمید نے بتایا کہ  پنشن گھر پہنچانے اور  پنشنرز انشورنس پرکام ہورہا ہے، ای او بی آئی کی ڈیجیٹلائزیشن دو سال میں مکمل ہوگی، ڈیجیٹلائزیشن پر 50 کروڑ روپے کے اخراجات کا تخمینہ ہے۔انہوں نے کہا کہ سرینا ہوٹل ، اوآئی سی ٹاور، آئی ایٹ اور جوہر ٹاون لاہور کے منصوبے فعال کررہے ہیں، چار منصوبوں سے تین سے چار ارب رینٹل آمدنی ہوگی، ایمپلائرز اور ایمپلائیز کا حصہ ایک ایک فیصد بڑھانے کی تجویز ہے، ایمپلائرز اور ایمپلائیز کی مجموعی شراکت 8 فیصد ہوجانے سے 36 ارب روپے حاصل ہوں گے،  پارلیمنٹ کی منظوری یا صدارتی آرڈینس کے ذریعے اس کا اطلاق ہوگا۔اظہر حمید نے کہا کہ توجہ ادارے کو مضبوط بنانے پر ہے، ادارہ مضبوط ہوگا تو نتائج نظرآئیں گے

Editor

Next Post

کمرشل پلاٹوں کی نیلامی ... 12 پلاٹوں کے 17.04بلین روپے

ہفتہ جولائی 18 , 2020
سی ڈ ی اے کے زیر اہتمام جناح کنونشن سینٹر میں منعقدہ بلیو ایریا کے کمرشل پلاٹوں کی نیلامی اختتام پذیر ہو گئی تین روزہ نیلام عام میں15پلاٹوں کے عوض22بلین روپے کی بولیاں موصول ہوئیں آکشن کمیٹی نے12 پلاٹوں کے عوض دی جانے والی17.04بلین روپے کی بولیوں کو قبول کیں […]