کورونا کے باعث ..چار ارب کا میزائل اب لوہے کے بھائو بکے گا، چودھری شجاعت حسین

کورونا کے باعث پوری دنیا میں عجیب سی فضا ہے، رشتے دار آپس میں نہیں مل پا رہے: چودھری شجاعت حسین

یہ بات افسوسناک ہے کہ ہمارے ملک میں سیاسی اور سماجی سطح پر اس بیماری کے حوالے سے کوئی ہم آہنگی نہیں پائی جاتی

چار ارب کا میزائل اب لوہے کے بھائو بکے گا، ہو سکتا ہے کہ یہی میزائل چار سو روپے میں مل جائے

لاہور (صباح نیوز) پاکستان مسلم لیگ کے صدر و سابق وزیراعظم چودھری شجاعت حسین نے کہا ہے کہ کورونا بیماری اللہ تعالیٰ کی طرف سے ہے، اس کا تدارک صرف احتیاط، اللہ تعالیٰ سے دعا اور معافی سے ہی ممکن ہے، پوری دنیا میں پہلی مرتبہ ایسا دیکھنے میں آ رہا ہے کہ باپ بیٹے سے، ماں بیٹی سے، بہن بھائی سے نہیں مل پا رہے، ایک عجیب سی فضا پیدا ہوگئی ہے اس میں ہر انسان کا فرض بنتا ہے کہ وہ احتیاط سے خود کو اور اپنے پیاروں کو بھی محفوظ رکھے۔ وہ  یہاں اپنی رہائش گاہ پر پارٹی رہنمائوں سینیٹر کامل علی آغا اور میاں عمران مسعود سے گفتگو کر رہے تھے۔ چودھری شجاعت حسین نے کہا کہ یہ بات افسوسناک ہے کہ ہمارے ملک میں سیاسی اور سماجی سطح پر اس بیماری کے حوالے سے کوئی ہم آہنگی نہیں پائی جاتی۔ چودھری شجاعت حسین نے کہا کہ اللہ تعالیٰ نے اس بیماری کے ذریعے یہ ثابت کر دیا ہے کہ کوئی ایٹم بم یا میزائل ہمیں کورونا سے نہیں بچا سکتا۔ انہوں نے کامل علی آغا سے کہا چونکہ آپ کا لوہے کا کاروبار ہے، آپ انتظار کریں چار ارب روپے کا میزائل اب لوہے کے بھائو بکے گا، آپ بھی اس کی بولی میں حصہ لیں ہو سکتا ہے کہ یہی میزائل چار سو روپے میں مل جائے۔ چودھری شجاعت حسین نے مزید کہا کہ نجات صرف اللہ تعالیٰ کی اطاعت اور اس سے معافی طلب کرنے میں ہے، اللہ تعالیٰ کو راضی کرنے کا یہی واحد راستہ ہے جس کو اپنا کر ہم اپنی دنیا اور آخرت بہتر بنا سکتے ہیں

Editor

Next Post

مالی سال 2019-20 خسارہ 78 فیصد کی نمایاں کمی کے ساتھ 2.96 ارب ڈالر رہ گیا۔اسٹیٹ بینک

جمعرات جولائی 23 , 2020
کراچی(صباح نیوز) مالی سال 2019-20میں جاری کھاتے کا خسارہ 78 فیصد کی نمایاں کمی کے ساتھ 2.96 ارب ڈالر رہ گیا۔ اسٹیٹ بینک کے جاری کردہ اعدادوشمار کےمطابق جاری کھاتے کا خسارہ مالی سال 2019-20میں جی ڈی پی کے 1.1فیصد تک سکڑ گیا جو مالی سال 2018-19میں جی ڈی پی […]