پاکستان اقوام متحدہ کی اقتصادی اور سماجی کونسل کا متفقہ طور پر صدر منتخب

نیویارک: (ویب ڈیسک) پاکستان اس اہم عہدے پر چھٹی دفعہ منتخب ہو رہا ہے۔ اقتصادی اور سماجی کونسل اقوام متحدہ کے ایک اہم ادارہ ہے۔ پاکستان کے مستقل مندوب منیر اکرم اقتصادی اور سماجی کونسل کی صدارت کریں گے۔

وہ اس سے پہلے 2005ء میں بھی اقتصادی اور سماجی کونسل کے صدر رہ چکے ہیں۔ منیر اکرم نے اپنے پہلے خطاب میں پاکستان کی بطور صدر ترجیحات پر روشنی ڈالی۔

اقوام متحدہ میں پاکستان کے مستقل مندوب منیر اکرم کا کہنا تھا کہ دنیا کو اس وقت کئی مسائل درپیش ہیں۔ کورونا وائرس کے عالمی معیشت اور صحت پر اثرات اور اس کا ممالک کی ترقی پر منفی اثر اہم مسئلہ ہے۔

منیر اکرم نے کہا کہ اس صورتحال میں بھی بیرونی تسلط اور مقبوضہ علاقوں میں محصور اقوام پر خصوصی توجہ کی ضرورت ہے۔ کورونا کی ویکسین کی تمام ممالک تک رسائی ہماری ترجیحات میں شامل ہوگی۔

ان کا کہنا تھا کہ پاکستان بطور صدر سائنس اور ٹیکنالوجی کے فروغ اور ترقی پذیر ممالک تک اس کی رسائی پر بھی خصوصی توجہ اور پاکستانی وزیراعظم عمران خان کے عالمی اقتصادی وژن کو مزید فروغ دے گا۔

Editor

Next Post

سری نگر…مقبوضہ کشمیر کی ڈیموگرافی تبدیلی کے بھارتی منصوبے کے خلاف ہڑتال

جمعہ جولائی 24 , 2020
سرینگر: (سٹاف رپورٹ) مقبوضہ کشمیر کی ڈیموگرافی تبدیلی کے بھارتی منصوبے کے خلاف جمعہ کو ریاست میںمکمل ہڑتال رہی ۔ کل جماعتی حریت کانفرنس نے کشمیری  عوام سے مکمل ہڑتال کی اپیل کی  تھی  تاکہ بھارت اور دنیا کو ایک بارپھر یہ واضح پیغام دیا جائے کہ کہ جموں و […]