ٹریفک پولیس کا اہلکار ٹک ٹاک ویڈیوز بنانے پر معطل

اسلام آباد (سٹاف رپورٹ)

اسلام آبادٹریفک پولیس کا اہلکار یاسر آفتاب یونیفارم میں ٹک ٹاک ویڈیوز بنانے پر معطل کردیا گیا۔ٹریفک پولیس اسلام آباد کے مطابق اہلکار یاسر آفتاب کی یونیفارم میں ٹک ٹاک ویڈیوز وائرل ہوجانے کے بعد اسے معطل کیا گیا ہے، اہلکار نے ویڈیوز بنا کر ڈسپلن کی خلاف ورزی کی ہے۔اسلام آباد ٹریفک پولیس کاکہنا ہے کہ معاملے کی تحقیقات کرکے رپورٹ ایس ایس پی ٹریفک کو پیش کی جائے گی۔ واضح رہے کہ گذشتہ دنوں لاہور میں لیڈی کانسٹیبل وفا توقیر کو بھی ٹک ٹاک پر ویڈیوز بنانے پر ملازمت سے برطرف کر دیا گیا تھا۔برطرفی کے بعد وفا توقیر بھی غصے میں آ گئیں اور کہا کہ محکمے نے ان پر ظلم کا پہاڑتوڑا ہے، ویڈیو زبنانے کا شوق ضرور ہے لیکن انہیں صرف اپنے موبائل میں رکھتی تھی۔وفا توقیر نے بتایا کہ یہ ویڈیوز 8 ماہ قبل ٹریننگ کے دنوں میں بنائی تھیں ، کس نے لیک کیں یا کرائیں انہیں معلوم نہیں ہے

Comments are closed, but trackbacks and pingbacks are open.