منی لانڈرنگ کیس: سلمان شہباز کے بے نامی 2 درجن سے زائد اکاؤنٹس کا سراغ مل گیا

اسلام آباد (ویب ڈیسک)

منی لانڈرنگ کیس میں ایف آئی اے کی تحقیقات حتمی مراحل میں داخل ہوگئیں، سلمان شہباز کے بے نامی 2 درجن سے زائد اکاؤنٹس کا سراغ مل گیا۔ رواں ہفتے مقدمہ درج کئے جانے کا امکان ہے۔

ذرائع کے مطابق جہانگیر ترین، علی ترین، سلمان شہباز اور دیگر افراد کیخلاف تحقیقات جاری ہیں۔ سلمان شہباز کے 2 درجن سے زائد اکاؤنٹس ان کے ملازم اور دیگر افراد کے نام پر ہیں، مذکورہ اکاؤنٹس میں 10.5 ارب روپے بھجوائے گئے تھے۔

ذرائع کے مطابق جہانگیر ترین اور ان کے بیٹے علی ترین کیخلاف بھی تحقیقات آگے بڑھائی جائیں گی۔ خسرو بختیار کیخلاف تحقیقات میں تیزی نظر نہیں آ رہی ہے، وفاقی وزیر کو باقاعدہ طلب کئے جانے کی اطلاعات ہیں۔ ایف آئی اے نے ترین فیملی اور سلمان شہباز کو 2 طلبی کے نوٹس بھجوائے، اب تیسرا نوٹس بھیج کر قانونی تقاضے پورے کئے جائیں گے، پھر ایف آئی آر درج کی جائے گی۔

Editor

Next Post

کورونا وائرس، CAA کے اندرونِ ملک ایئر ٹرانسپورٹ کے قواعد جاری

منگل اکتوبر 6 , 2020
کورونا وائرس، CAA کے اندرونِ ملک ایئر ٹرانسپورٹ کے قواعد جاری مسافروں کے سوا کسی فرد کو بھی پارکنگ ایریا سے آگے جانے سے روکنے کی پابند ہو گی کوئی شخص بغیر ماسک داخل نہیں ہو سکے گا، بورڈنگ برج اور ڈیپارچر لاونج میں سماجی فاصلہ یقینی بنانا ایئر پورٹ مینیجر کی […]