کورونا ویکسین کی پہلی کھیپ ہفتے کوچین سے پاکستان پہنچے گی،انتظامات مکمل

پی آئی اے کا طیارہ آج (جمعہ کو)بیجنگ کے لیے روانہ ہوگا،چین کی عطیہ کی گئی5لاکھ وائلز پاکستان لائی جائینگی

اسلام آباد(ویب  نیوز)کورونا وبا کے خلاف بنائی گئی ویکسین کی پہلی کھیپ ہفتے کو پاکستان پہنچے گی جس کے لیے تمام انتظامات مکمل کرلیے گئے ہیں۔ میڈیا رپورٹس کے مطابق چینی سفارتخانے، وزارت خارجہ اورہیلتھ سروسز نے پی آئی اے کوگرین سگنل دے دیا ۔پی آئی اے نے کورونا ویکسین لانے کیلئے مفت خدمات فراہم کی ہیں، پی آئی اے انتظامیہ نے کورونا ویکسین کیلئے بوئنگ 777 کی دستیابی سے باضابطہ طورپرآگاہ کردیا ،پی آئی اے کا طیارہ آج (جمعہ کو)بیجنگ کے لیے روانہ ہوگا۔خصوصی طیارہ پرچین کی جانب سے عطیہ کی گئی 5 لاکھ ویکسین وائلزپاکستان لائی جائیں گی۔ خصوصی جہازبیجنگ سے ہفتے کو کورونا ویکسین لے کراسلام اباد ایئرپورٹ پہنچے گا۔ کورونا ویکسین مخصوص کنٹینرمیں رکھ کر لائی جائیگی، خصوصی کنٹینر چین سے حاصل کیا جائے گا۔